Բրայզա. Մոսկվան փորձում է ԼՂ հակամարտության կողմերին մոտեցնել փոխզիջումների միջոցով 6 օգոստոսի 2016 - 15:56 AMT PanARMENIAN.Net - Ռուսաստանի կողմից ձեռնարկվող քայլերը վկայում են, որ Մոսկվան փորձում է ղարաբաղյան հակամարտության կողմերի դիրքորոշումները փոխզիջումների միջոցով միմյանց մոտեցնել: Այս մասին ասել է ԵԱՀԿ-ի Մինսկի խմբի ամերիկացի նախկին համանախագահ Մեթյու Բրայզան: «Իմ կարծիքով, արտգործնախարար Լավրովը նախագահ Պուտինի կարգադրումով սեղանի վրա նոր առաջարկ է դրել՝ փորձելով վերամշակել այն շրջանակային համաձայնագիրը, որը մշակվել էր դեռ մեր օգնությամբ 2007-ին Մադրիդում», - ասել է Բրայզան, հաղորդում է Ամերիկայի Ձայնը: Նրա կարծիքով, մադրիդյան սկզբունքները հիմնականում փոփոխությունների չեն ենթարկվել անցած տարիների ընթացքում. «Շրջանակային փաստաթղթում արմատական փոփոխություններ չեն եղել, որովհետև դա խնդիրը լուծելու միակ տրամաբանական ուղին էր»: Բրայզայի խոսքով, Հայաստանի ու Ադրբեջանի ղեկավարները սկզբունքային համաձայնության էին եկել շրջանակային փաստաթղթի շուրջ, և ակնկալվում էր, որ ձեռք է բերվելու վերջնական համաձայնություն, որին հետևելու էին վերջնական պայմանագրի մշակմանն ուղղված երկարատև բանակցությունները: «Սակայն, գործընթացն առաջ չընթացավ, որովհետև ո՛չ նախագահ Ալիևը, ո՛չ նախագահ Սարգսյանը միմյանց նկատմամբ չունեին բավարար վստահություն՝ քաղաքացիներին բարդ որոշումների մասին տեղեկացնելու համար»: Բրայզայի կարծիքով, Երևանում տեղի ունեցած վերջին շաբաթների ճգնաժամը պայմանավորված է առաջին հերթին ղարաբաղյան հակամարտության շուրջ իշխանությունների կողմից հնարավոր փոխզիջումների հետ անհամաձայնությամբ. «Խոսքն այժմ գնում է նոր փոխզիջման մասին, որը կողմերին կմոտեցնի միմյանց: Կարծում եմ, Հայաստանի քաղաքական համակարգում որոշ մարդիկ չեն ցանկանում փոխզիջումների գնալ։ Արդյունքում՝ եղավ այս ճգնաժամը»: ՌԴ-ն չի պատրաստվում Ադրբեջանին ու Հայաստանին պարտադրել ղարաբաղյան հակամարտության որևէ պատրաստի լուծում, սակայն պատրաստ է աջակցել կողմերի առաջարկած ցանկացած տարբերակին: Այդ մասին է հայտարել օգոստոսի 5-ին ՌԴ նախագահ Վլադիմիր Պուտինը: Ըստ Պուտինի, փոխզիջումային տարբերակը նախատեսում է «տարածքային ամբողջականության և ազգերի ինքնորոշման սկզբունքների միջև օպտիմալ հավասարակշռության ձեռքբերում»: ՌԴ նախագահը նշել է, որ Մոսկվան հասկանում է Հայաստանի ու Ադրբեջանի ղեկավարության ուսերին ընկած բեռի ողջ ծանրությունը: Կարդացեք նաև՝ Բալայան. «Անի» կետրոնի «Կազանյան փաստաթուղթը» փորձագիտական աշխատանքի արգասիք է Ուշագրավ Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ Ամենաընթերցվողը բաժնում | Զախարովա․ Արևմուտքի քաղաքականությունը հանգեցրեց նրան, որ Փաշինյանը խոսում է Ադրբեջանի հետ մոտալուտ պատերազմի սպառնալիքի մասին «Նկատեք, որ այս հայտարարությունը ոչ մի կապ չունի Ռուսաստանի հետ»,–ասել է նա Երևանում մոտ 2000 հասուն և արժեքավոր ծառ կտնկվի Կհիմնվեն քաղաքային անտառներ, կենսունակությունը կորցրած ծառերը կփոխարինվեն նորերով Փաշինյանը շնորհավորել է Պուտինին Նա հույս է հայտնել, որ հետաքրքրություն ներկայացնող բոլոր ոլորտներում երկխոսությունը կզարգանա Փաշինյանը և Ստոլտենբերգը քննարկել են Հայաստան-ՆԱՏՕ փոխգործակցության հարցեր Հանդիպումը շարունակվել է ընդլայնված կազմով |