Armenia-ն կանոնավոր ավիաչվերթներ կիրականացնի Վորոնեժ-Երևան ուղղությամբ

Armenia-ն կանոնավոր ավիաչվերթներ կիրականացնի Վորոնեժ-Երևան ուղղությամբ

PanARMENIAN.Net - Armenia Aircompany ավիաընկերությունը հաստատել է, որ 2016-ի հոկտեմբերի 14-ից կանոնավոր ավիաչվերթներ կիրականացնի Վորոնեժ-Երևան ուղղությամբ:

Հայկական ավիաընկերության Boeing 737-500 հարմարավետ ինքնաթիռը, որը կարող է մինչև 132 ուղևոր փոխադրել, Վորոնեժից Երևան կմեկնի երեքշաբթի և ուրբաթ օրերը: Թռիչքը Վորոնեժից 19:40 է Մոսկվայի ժամանակով:

Armenia ավիաընկերությունը ՀՀ միակ ավիափոխադրողն է, որը թռիչքներ է իրականացնում դեպի ԱՊՀ և Եվրոպայի երկրներ:

Վորոնեժի շրջանում ապրում է 56.300 հայ և մոտ 10.000 հայ կա հարևան շրջաններից յուրաքանչյուրում, ասվում է օդանավակայանի կայքում, ինչը պահանջված է դարձնում չվերթը դեպի Երևան:

«Արմենիա» ավիաընկերությունը ստեղծվել է 2015 թվականին, բայց իր գործունեությունը սկսել է 2016 թվականի ապրիլի 21-ից: Այն տեղակայված է Երևանում, «Զվարթնոց» միջազգային օդանավակայանում: Ավիաընկերության առաջին կանոնավոր չվերթը տեղի ունեցավ 2016-ի հուլիսի 18-ին Երևան- Մինվոդի-Երևան ուղղությամբ:

Ավիաընկերության հիմնադիրներն են Աշոտ Թորոսյանը (բաժնետոմսերի 51%), Թամազ Գաիաշվիլին (25%) և Ռոբերտ Հովհաննիսյանը (24%)։Ռոբերտ Հովհաննիսյանը զբաղեցրել է վրացական Georgian Airways ավիաընկերության տնօրենի պաշտոնակատարի պաշտոնը, իսկ Թամազ Գաիաշվիլին Georgian Airways-ի տնօրենների խորհրդի նախագահն է։

2013-ին Հայաստանի կառավարությունը հաստատել է ավիափոխադրումների ոլորտի փուլային ազատականացման ռազմավարությունը, այն բանից հետո, երբ Հայաստանի ազգային ավիափոխադրող «Արմավիա» ընկերությունը որոշում կայացրեց 2013-ի ապրիլի մեկից թռիչքների դադարեցման և սնանկացման գործընթաց սկսելու մասին։ Տվյալ փաստաթուղթը նախատեսում էր ոլորտում առնվազն երեք հայկական ավիաընկերությունների գործունեություն։ ՀՀ կառավարությունը քաղաքացիական ավիացիայի ոլորտում որդեգրել է «Բաց երկնքի» քաղաքականությունը, որը ենթադրում է ավիաընկերությունների առևտրային գործունեությանը պետության միջամտության նվազեցում:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---