  Լավրով. ՌԴ-ն անտարբեր չէ ԵԱՀԿ երևանյան գրասենյակի ճակատագրի հանդեպ 22 փետրվարի 2017 - 17:40 AMT PanARMENIAN.Net - ԵԱՀԿ գործող նախագահի առաջարկությունները կարող են նպաստել Երևանում այդ կազմակերպության գրասենյակի փակման վերաբերյալ բանավեճից ելք գտնելուն: Այդ մասին հայտարարել է ՌԴ ԱԳ նախարար Սերգեյ Լավրովը: Հայաստանը միակ երկիրն է Հարավային Կովկասում, որտեղ գործում է ԵԱՀԿ գրասենյակը: 2000-ին Բաքվում բացված գրասենյակը փակվել է 2014-ի հունվարի 1-ին: Թբիլիսիում գործող գրասենյակի մանդատը սպառվել է 2008-ին: «Ինձ թվում է վերջին առաջարկը, որը պատրաստել է կազմակերպությունում նախագահող Ավստրիան, կլուծի առաջացած հարցերը: Հուսով եմ, որ հարցի քննարկմանը հնարավոր կլինի վերադառնալ առաջիկայում և որ ԵԱՀԿ համար այս ոչ այնքան լավ իրավիճակից կհաջողվի ելք գտնել»,-ասել է Լավրովը Մոսկվայում ՀՀ ԱԳ նախարար Էդվարդ Նալբանդյանի հետ համատեղ ասուլիսում, հայտնում է ՌԻԱ Նովոստին: Նախարարը նշել է, որ ՌԴ-ն անտարբեր չէ Երևանում ԵԱՀԿ գրասենյակի ճակատագրի հանդեպ: «Մենք միշտ սատարել ենք այն սկզբունքին, որ երկրներում բյուրոները, գրասենյակները բացվում են ըստ անդամ պետության ցանկության: Սակայն, տվյալ դեպքում մեզ համար միևնույն չէ, քանի որ այդ բյուրոն գլխավորում է ՌԴ քաղաքացի»,-ասել է Լավրովը: «Ինչ վերաբերում է կոնկրետ ծրագրերին, ապա դրանք պետք է համապատասխանեն ԵԱՀԿ սկզբունքներին և չպետք է կասկածներ առաջացնեն: Տվյալ դեպքում կասկածներ են առաջացել մեր ադրբեջանցի գործընկերների մոտ»,-ասել է ՌԴ ԱԳ նախարարը: Ավելի վաղ հայտնի է դարձել, որ Ադրբեջանը փորձում է խոչընդոտել Երևանում ԵԱՀԿ գրասենյակի մանդատի երկարաձգմանը: Նիստի ընթացքում Ադրբեջանի ներկայացուցիչը պնդել է, թե իր երկիրը չի պատրաստվում համաձայնություն տալ Երևանում ԵԱՀԿ գրասենյակի մանդատի երկարաձգման որոշմանը: Ադրբեջանական կողմի համաձայն՝ Երևանում ԵԱՀԿ գրասենյակի գործունեությունը, մասնավորապես ռազմաքաղաքական ոլորտում, մտահոգություն է առաջացնում Ադրբեջանում:  Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Բաժիններ թեմայով Վերջին լուրեր Բերման է ենթարկվել անհնազանդության ակցիաների 29 մասնակից, որից 17–ը՝ Երևանում  Վեդիում բերման է ենթարկվել Լևոն ՔոչարյանըAmnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համարԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունենԶախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա |
