ԱԻՆ. Կապանում երկրաշարժից դպրոց չի փլուզվել, ավերածություններ չկան28 փետրվարի 2017 - 11:37 AMT PanARMENIAN.Net - Կապան քաղաքից 5 կմ հյուսիս-արևմուտք, օջախի 10 կմ խորությամբ, 3.9 մագնիտուդով երկրաշարժի հետևանքով փլուզումներ չեն եղել: Այս մասին PanARMENIAN.Net ին հայտնեցին ՀՀ արտակարգ իրավիճակների նախարարությունից: Հերքվել է նաև համացանցում տարածված տեղեկատվությունն այն մասին, որ Կապանում թիվ 10 դպրոցի շենքն է փլուզվել: «Դպրոցը կանգուն է, ամեն ինչ նորմալ է: Ավերածություններ, զոհեր չկան», - հայտնեցին տեղեկատվության և հասարակայնության հետ կապերի վարչությունից: Կապանի քաղաքապետ Աշոտ Հայրապետյանը նույնպես հատնել է, որ ցնցումների հետևանքով քաղաքում ավերածություններ ու տուժածներ չկան: «Էպիկենտրոնը բավականին մոտ էր քաղաքին: Բնակիչներն արագ դուրս են եկել տներից, տարհանվել են մանկապատեզների և դպրոցների երեխաները, այլ հաստատությունների աշխատակիցները»,- ասել է նա և հավելել, որ քաղաքը վերադառնում է բնականոն աշխատանքին, մեջբերում է Yerkir.am-ը: Սյունիքի մարզպետ Վահե Հակոբյանի մամուլի քարտուղար Վազգեն Սաղաթելյանը հայտնել է, որ տեղի ունեցած երկրաշարժից հետո չկա խուճապ կամ վախի մթնոլորտ: «Իրավիճակը հետևյալն է. երկրաշարժից հետո` ելնելով անվտանգության նորմերից, մարդիկ փակ տարածքներից դուրս են եկել: Բայց չկա ինչ-որ խուճապ կամ վախի մթնոլորտ, դա պարզապես անվտանգության նորմեր են: Դպրոցներում, բուհերում, հիմնարկներում մարդիկ կազմակերպված լքել են շենքերը», - ասել է Սաղաթելյանը, գրում է Aysor.am-ը: Ստորգետնյա ցնցման ուժգնությունն էպիկենտրոնում կազմել է 5 բալ: Երկրաշարժը զգացվել է Կապան քաղաքում 5 բալ, Գորիս և Քաջարան քաղաքներում 4-5 բալ ուժգնությամբ: Երկրաշարժին հաջորդել է 3.3 մագնիտուդ ուժգնությամբ մեկ հետցնցում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |