 ԿԽՄԿ-ն հերքել է ադրբեջանական ԶԼՄ-ներին. Հայկական կողմը չի գնդակոծել կոմիտեի աշխատակիցներին 5 մայիսի 2017 - 17:57 AMT PanARMENIAN.Net - Կարմիր խաչի միջազգային կոմիտեն՝ ԿԽՄԿ-ն, հերքել է ադրբեջանական ԶԼՄ-ների հաղորդագրությունը հայկական զինված ուժերի կողմից Աղդամի շրջանում Կոմիտեի աշխատակիցներին գնդակոծելու վերաբերյալ: ԿԽՄԿ Բաքվի ներկայացուցչության հասարակայնության հետ կապերի բաժնի պետ Իլահա Հուսեյնովան հայտնել է, որ կոմիտեի աշխատակիցներն այդ օրը եղել են Աղդամի շրջանում, սակայն նրանք թիրախ չեն դարձել: Ըստ նրա, Կոմիտեն տարբեր հումանիտար նախագծեր է իրականаցնում սատարելու համար քաղաքացիական բնակչությանը՝ շփման գծին և հայ-ադրբեջանական սահմանին հարակից տարածքներում: «ԶԼՄ-ների տարածած հաղորդագրության վերաբերյալ կարող եմ ասել, որ մենք հաստատում ենք, որ մեր աշխատակիցներն այնտեղ են եղել մայիսի 4-ին: Սակայն ոչ մի հատկանիշ ու հիմք չկա պնդելու, թե թիրախավորվել են մեր աշխատակիցները կամ ԿԽՄԿ տրանսպորտային միջոցները»,-ասել է Հուսեյնովան, հայտնում է ԱՊԱ գործակալությունը: Մայիսի 4-ին ադրբեջանական ԶԼՄ-ները հաղորդագրություն էին տարածել թե ԿԽՄԿ աջակցությամբ իրականացվող «վերանորոգման աշխատանքների ժամանակ հայկական կողմն իբր գնդակոծել է տարածքում աշխատող Աղդամի մեխանիկական ոռոգման վարչության աշխատակիցներին ու տեխնիկան»: Ասվում էր, թե պատահարի վայրում եղել են նաև ԿԽՄԿ աշխատակիցները: Նշվում էր, որ «ոչ ոք չի տուժել, սակայն տեխնիկան և սարքավորումները վնասվել են»:  Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Միրզոյանը կմեկնի Սաուդյան Արաբիա․ Դա ՀՀ-ից առաջին բարձրաստիճան այցը կլինի այդ երկիր  Երկու երկրների միջև դիվանագիտական հարաբերություններ են հաստատվել 2023թ. նոյեմբերինՀունաստանում վառվել է Օլիմպիադայի կրակը Գերագույն քրմուհու դերում անտիկ հանդերձանքով հանդես է եկել դերասանուհի Մերի ՄինանEvocabank-ը 10 մլն դրամ է նվիրաբերել ՀՀ-ում «Ոզնի» ֆինանսական գրագիտության մրցաշարի իրականացմանը Մրցույթն օգնելու է աշակերտներին զարգացնելու ֆինանսական ոլորտի գիտելիքներըԱլեն Սիմոնյանի գլխավորած պատվիրակությունը պաշտոնական այցով Լիտվայում է Այցի շրջանակում նախատեսվում են երկկողմ հանդիպումներ |
