Սարգսյանը շնորհավորել է Ռոուհանիին՝ նախագահի պաշտոնում վերընտրվելու կապակցությամբ

Սարգսյանը շնորհավորել է Ռոուհանիին՝ նախագահի պաշտոնում վերընտրվելու կապակցությամբ

PanARMENIAN.Net - Նախագահ Սերժ Սարգսյանը շնորհավորական ուղերձ է հղել Իրանի Իսլամական Հանրապետության նախագահ Հասան Ռոուհանիին՝ ԻԻՀ նախագահի ընտրություններում տարած հաղթանակի և այդ պաշտոնում վերընտրվելու կապակցությամբ:

«Վստահ եմ, որ Ձեր հետագա պաշտոնավարման ընթացքում բարեկամ և հարևան Իրանը կշարունակի իր վերընթաց զարգացման ուղին՝ կարևոր և նշանակալի ներդրում ունենալով տարածաշրջանային խաղաղության և կայունության հաստատման գործում:

Լիահույս եմ, որ մեր համատեղ ջանքերի շնորհիվ հայ-իրանական ավանդական ջերմ և բարեկամական հարաբերությունները կշարունակեն զարգանալ և ամրապնդվել բոլոր բնագավառներում՝ արձանագրելով մեր ժողովուրդների միջև փոխգործակցության որակական նոր մակարդակ»,- մասնավորապես ասված է Հանրապետության նախագահի շնորհավորական ուղերձում:

Իրանի գործող նախագահ Հասան Ռոուհանին 25.9 մլն քվեաթերթիկի հաշվառման արդյունքում հավաքել է 14.6 մլն քվե: Այդ մասին հայտարարել է երկրի ՆԳՆ Ընտրություևների անցկացման շտաբի պետ Ալի Ասգար Ահմադին:

Ռոուհունիին հաջորդում է այաթոլլա Իբրահիմ Ռաիսին 10.1 մլն քվեով: Պահպանողականների թեկնածու Մոստաֆա Աղա Միրսալիմը, ըստ նախնական տվյալների, հավաքում է 297.200 ձայն, նախկին փոխնախագահ Մոստաֆա Հաշեմի Թաբան՝ 139.300 ձայն:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---