Տաջիկստանը պատրաստվում է օդային հաղորդակցություն հաստատել Հայաստանի հետ

Տաջիկստանը պատրաստվում է օդային հաղորդակցություն հաստատել Հայաստանի հետ

PanARMENIAN.Net - Տաջիկստանի կառավարությունը հանձնարարել է համապատասխան գերատեսչություններին քայլեր ձեռնարկել Հայաստանի հետ օդային հաղորդակցություն հաստատելու ուղղությամբ: Այս մասին գրում է News.tj լրատվական կայքը:

Հայաստանի և Տաջիկստանի կառավարությունների միջև օդային հաղորդակցության վերաբերյալ համաձայնագիրը ստորագրվել էր 2017 թվականի հունիսի 14-ին:

Երկրի արտաքին գործերի նախարարությանը հանձնարարվել է հայկական կողմին տեղեկացնել Տաջիկստանի կողմից՝ համաձայնագրի ուժի մեջ մտնելու համար անհրաժեշտ ներպետական ընթացակարգերի կատարման մասին:

2017-ի հունիսին նախագահ Սերժ Սարգսյանի հրավերով պաշտոնական այցով Հայաստան էր ժամանել Տաջիկստանի նախագահ Էմոմալի Ռահմոնը: Այցի ընթացքում նախագահները պայմանավորվել էին քայլեր ձեռնարկել երկու երկրների միջև ուղիղ չվերթների իրականացման ուղղությամբ:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---