// IP Marketing video - START// IP Marketing video - END

Պետդեպը ՀՀ-ն ընդգրկել է ամերիկացիների համար անվտանգ երկրների թվում

Պետդեպը ՀՀ-ն ընդգրկել է ամերիկացիների համար անվտանգ երկրների թվում

PanARMENIAN.Net - ԱՄՆ Պետդեպարտամենտը հունվարի 10-ին նոր խորհուրդներ է հրապարակել ԱՄՆ քաղաքացիների անվտանգ ուղևորությունների համար: Բոլոր պետությունները ցանկում բաժանված են 4 կարգի: Հայաստանն ընդգրկված է1-ին կարգում, որտեղ անվտանգության ռիսկերն ամենացածրն են և բավարար է պահպանել զգուշավորության ընդհանուր նորմերը:

Այս նույն կարգում են աշխարհի երկրների մեծ մասը, մասնավորապես, Ավստրիան, Կանադան, Շվեյցարիան, սկանդինավյան երկրները, ԵՄ բոլոր արևելաեվրոպական երկրները, ԽՍՀՄ գրեթե բոլոր նախկին հանրապետությունները, բացառությամբ՝ Ադրբեջանի, ՌԴ և Ուկրաինայի, ինչպես նաև բազում այլ երկրներ:

Ադրբեջանն ընդգրկվել է 2-րդ խմբում, որտեղ, Վաշինգտոնի գնահատմամբ, ավելի մեծ զգուշավորություն է հարկավոր՝ կապված երկրում ահաբեկչության սպառնալիքի հետ: Ահաբեկչությունների սպառնալիքի պատճառով այս ցանկում են հայտնվել նաև բազում արևմտաեվրոպական երկրներ, այդ թվում Գերմանիան, Մեծ Բրիտանիան և Ֆրանսիան:

Ռուսաստանը երկրների 3-րդ խմբում է հայտնվել: Այդ խմբի երկրների համար ԱՄՆ-ն խորհուրդ է տալիս հրաժարվել այցելությունից: ՌԴ-ն հայտնվել է այս կատեգորիայում ահաբեկչության վտանգի, ինչպես նաև ԱՄՆ քաղաքացիների հանդեպ տարբեր ճնշումների պատճառով, ասվում է Պետդեպարտամենտի կայքում: Նույն խմբում են նաև Թուրքիան, Պակիստանը, Կուբան և այլ երկրներ:

Կյանքին սպառնացող վտանգի համար ԱՄՆ իշխանությունները խորհուրդ չեն տալիս իրենց քաղաքացիներին մեկնել 4-րդ խմբի երկրներ, ինչպիսիք են, օրինակ, Աֆղանստանը, Իրաքը, Լիբիան, Հյուսիսային Կորեան, Սիրիան, Սոմալին և մի շարք այլ պետություններ:

 Ուշագրավ
Նրանք այցելել էին Արցախ «Կանայք հանուն խաղաղության» ակցիայի շրջանակում, որը նախաձեռնել էր ՀՀ վարչապետի տիկին Աննա Հակոբյանը
Երևանում կայացել է Ֆրանկոֆոնիայի միջազգային կազմակերպության 17-րդ գագաթնաժողովը
Ներկայացվածության և ծավալների առումով այս միջոցառումը խոշորագույնն է Հայաստանի անկախությունից ի վեր
«Մահվան նախորդ օրը Հայրապետյանը զանգահարել է Հայաստան՝ եղբորը, և արքեպիսկոպոս Պարգևին, որը գլխավորում է ՀԱԵ ԼՂՀ թեմը, ասելով, որ իրեն թունավորել են»,-պատմել է Ներսիսյանը