  ԵՏՄ տարածքում «Ստալինի մահը» ցուցադրվում է միայն ՀՀ-ում 29 հունվարի 2018 - 13:25 AMT PanARMENIAN.Net - Բրիտանական «Ստալինի մահը» կատակերգությունը ցուցադրվում է Հայաստանի կինոթատրոններում: ՀՀ-ն միակ երկիրն է ԵՏՄ-ում, որտեղ ֆիլմի ցուցադրությունը կայացել է մեծ էկրաններին: Կատակերգության պրեմիերան տեղի է ունեցել հունվարի 25-ին, ֆիլմը ցուցադրվում է «Սինեմա սթար» և «Կինոպարկ» կինոթատրոններում: Ռուսաստանի մշակույթի նախարարությունը չեղարկել է բրիտանական կատակերգության վարձույթի թույլտվությունը պրեմիերայից 2 օր առաջ: ՌԴ մշակույթի նախարարության Հանրային խորհուրդը եկել է այն եզրակացության, որ ֆիլմը «ոչ մի պատմական, կամ մշակութային արժեք չունի», փոխարենը՝ «պղծվում են խորհրդային օրհներգը, շքանշաններն ու մեդալները»: Կատակերգությունն արգելել են նաև Բելառուսում, Ղազախստանում և Ղրղզստանում տեղի կինոթատրոնները պարզապես որոշել են չցուցադրել այն: Ղազախստանում ֆիլմը կցուցադրեն միայն Clique փառատոնի շրջանակում: ԵՏՄ երկրներից բացի ֆիլմի ցուցադրություն չի կայացել նաև ԱՊՀ մի քանի երկրում։ Ադրբեջանում այն չի ցուցադրվում, քանի որ կինոժապավենը կարելի էր գնել միայն ռուսաստանցի դիստրիբյուտորից, իսկ ՌԴ-ում ֆիլմն արգելվել է: «Ստալինի մահը» կատակերգությունը Իոսիֆ Ստալինի մահվան առաջին օրերի մասին է: Ֆիլմում ռեժիսոր Արմանդո Իանուչչին նկարահանել է Սթիվ Բուշեմիին, Թիմոթի Դալթոնին, Օլգա Կուրիլենկոյին և Մայքլ Փեյլինին:   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը  Ետալեանը ներկաներին պատմել է AKNEYE-ի հետ գործակցության սեփական փորձի մասինՀանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման»Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |
