ՌԴ սահմանապահները հաստատել են՝ Թուրքիայի քաղաքացին ապօրինի է հատել ՀՀ սահմանը

ՌԴ սահմանապահները հաստատել են՝ Թուրքիայի քաղաքացին ապօրինի է հատել ՀՀ սահմանը

PanARMENIAN.Net - Ռուս սահմանապահները հայ-թուրքական սահմանն ապօրինաբար հատած Թուրքիայի քաղաքացու են բռնել: Այս մասին, PanARMENIAN.Net ի հարցմանն ի պատասխան, հայտնել է Հայաստանում ՌԴ Անվտանգության դաշնային ծառայության (ԱԴԾ) սահմանային վարչության մամուլի ծառայությունը:

Սահմանային հսկողություն իրականացնողները Կարսի նահանգի Դիգոր շրջանի բնակիչ 1995 թվականին ծնված սահմանախախտին հայտանբերել են Արմավիրի մարզում՝ Ախուրյան գետի ափամերձ տարածքում:

«Վերջինս ձուկ բռնելու նպատակով անցել է Հայաստանի տարածք, ինչից ընդամենը մի քանի րոպե անց սահմանապահները բռնել են նրան», -հայտնում է վարչությունը:

Ավելի վաղ հայտնել էինք, որ թուրքական մամուլում լուրեր են շրջանառվում այն մասին, որ փետրվարի 12-ին հայաստանյան կողմի սահմանապահները հայտնաբերել են մեկ թուրք սահմանախախտի: Նա գետում ձուկ բռնելիս է եղել:

Նույն օրը թուրք ժանդարմները հայտնաբերել են չորս թուրք գյուղացու՝ Կարսի նահանգի Դիգոր շրջանում իրենց ձիերին փնտրելիս: Նրանք հայտնվել էին արգելված ռազմական գոտում:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---