  ՌԴ-ում ֆիլմ են նկարահանում Մեծ Հայրենականի հերոս Արշալույս Խանժիյանի մասին 9 ապրիլի 2018 - 15:37 AMT PanARMENIAN.Net - ՌԴ Գորյաչի Կլյուչ քաղաքում սկսվել են Մեծ Հայրենական պատերազմի հերոս Արշալույս Խանժիյանի մասին փաստախաղարկային ֆիլմի նկարահանումները: Պատերազմի տարիներին Արշալույսը խնամել է վիրավորներին, իսկ պատերազմից հետո մինչև կյանքի վերջը խնամել է զոհված զինվորների շիրիմները: Արշալույսի դերը միանգամից 3 դերասանուհի կկատարի; Աննա Բոյաջյանը կմարմնավորի նրան մանկության տարիներին, Ռեգինա Կուրմանովան՝ պատերազմի տարիներին, իսկ Մանուշակ Չուբարյանը՝ ծերության օրոք, գրում է kubantv.ru-ն: «Մենք ուզում ենք, որ Արշալույսի մասին միլիոնավոր ռուսաստանցիներ իմանան: Մենք պետք է և նույնիսկ պարտավոր ենք կյանքի կոչել այդ նախագիծը: Մենք պարտք ենք այն զինվորներին, որոնք կյանքի ու մահու կռիվ էին տալիս Կովկասի լեռներում 1942-ին: Մենք պարտավոր ենք հարգանքի տուրք մատուցել այդ փխրուն կնոջը, որը լեգենդ էր դարձել արդեն կյանքի օրոք»,-ասել է ֆիլմի ռեժիսոր Էռնեստ Հարությունովը: Ֆիլմը նախատեսվում է ավարտել մինչև մայիսի 9-ը: Կինոժապավենը կկոչվի «Արշալույս» և կցուցադրվի ՌԴ-ում և Հայաստանում: Ֆիլմի տևողությունը մոտ 40 րոպե է: ՅՈւՆԵՍԿՕ-ի որոշմամբ Արշալույս Խանժիյանը 1997-ին ճանաչվել է «Տարվա կին», իսկ մի քանի ամիս անց հեռացել կյանքից: Նրա տանն այժմ թանգարան է գործում:  Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը  Ետալեանը ներկաներին պատմել է AKNEYE-ի հետ գործակցության սեփական փորձի մասինՀանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման»Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |
