// IP Marketing video - START// IP Marketing video - END

ՀՀ և Երևանի դրոշները տիեզերք են ուղարկվել

ՀՀ և Երևանի դրոշները տիեզերք  են ուղարկվել

PanARMENIAN.Net - Սանկտ Պետերբուրգում բնակվող բարերար Հրաչյա Պողոսյանը խորհրդանշական ակցիա է նախաձեռնել Հայաստանի Առաջին Հանրապետության 100-ամյակի և Երևանի հիմնադրման 2800-ամյակի կապակցությամբ՝ ՀՀ և Երևանի դրոշները ուղարկվել են տիեզերք, Միջազգային տիեզերակայան:

Դրոշները տիեզերք ուղարկելու առաջարկով Պողոսյանն առաջին հերթին դիմել է ՌԴ Տիեզերագնացության ֆեդերացիայի Հյուսիս-արևմտյան բաժնի առաջին փոխնախագահ Օլեգ Մուխինին: Միևնույն ժամանակ օրհնություն ստանալու համար բարերարը դիմել է Հայ Առաքելական եկեղեցուն:

Մարտի 2-ին Մոսկվայում Պողոսյանը հանդիպել է ՌԴ-ում ՀՀ դեսպան Վարդան Տողանյանի հետ, հանդիպմանը ներկա է եղել նաև Ռուսաստանի հերոս, տիեզերագնաց Օլեգ Արտեմևը, որն էլ պետք է տիեզերք տաներ դրոշները, գրում է NovostiNK.ru-ն:

Բարերարն ու դեսպանը հանդիսավոր պայմաններում տիեզերագնացին են հանձնել դրոշները, իսկ մարտի 21-ին Արտեմևը երկարատև թռիչքն է սկսել ՄՏԿ-55/56-ում, «Սոյուզ ՄՍ-08» տիեզերանավի անձնակազմի կազմում՝ ՆԱՍԱ-ի աստղագնացներ Էնդրյու Ֆոյստելի և Ռիչարդ Առնոլդի հետ: Իսկ տիեզերակայանում նրանց սպասում էին Անտոն Շկապլերովը («Ռոսկոսմոս», ՌԴ), Սքոթ Թինգլը (ՆԱՍԱ, ԱՄՆ) և Նորիշիգե Կանաին (JAXA, Ճապոնիա):

Այժմ Հայաստանի և Երևանի դրոշները հերթական պտույտն են կատարում մոլորակի շուրջ: ՌԴ տիեզերագնացները Երկիր կվերադառնան սեպտեմբերին:

Հոկտեմբերին, Երևանի հիմնադրման 2800-ամյակի, ինչպես նաև Հայաստանի Առաջին Հանրապետության հիմնադրման 100-ամյակի կապակցությամբ, Հայաստան կժամանի ՌԴ պատվիրակությունը, որի կազմում կլինեն նաև տիեզերագնացները: Պատվիրակությունը դրոշները կփոխանցի ՀՀ և Երևանի ղեկավարությանը:

 Ուշագրավ
Ըստ ԵԱՀԿ ՄԽ նախկին համանախագահի, իրավիճակը Հայաստանում անդրադառնում է ղարաբաղյան հակամարտության կարգավորման վրա
«Կանաչների» կուսակցությունը կոչ է արել երկրի խորհրդարանին սկսել Հայոց ցեղասպանության ճանաչման գործընթացը
«Մեր ռուս գործընկերների հետ կառուցողական և բովանդակային երկխոսություն ունենք երկկողմ և բազմակողմ օրակարգի բոլոր ուղղություններով»,-ասել է աղբյուրը