// IP Marketing video - START// IP Marketing video - END

ՀՀ ԱԳ նախարար. Որպես հակամարտության հիմնական կողմ ԼՂ-ն պետք է որոշիչ ձայն ունենա

ՀՀ ԱԳ նախարար. Որպես հակամարտության հիմնական կողմ ԼՂ-ն պետք է որոշիչ ձայն ունենա

PanARMENIAN.Net - Որպես հակամարտության հիմնական կողմ Լեռնային Ղարաբաղը երկարաժամկետ և մնայուն խաղաղ կարգավորման գործընթացում պետք է ունենա որոշիչ ձայն: Այդ մասին հայտարարել է ՀՀ ԱԳ նախարար Զոհրաբ Մնացականյանը Գերմանիայի ԱԳ նախարար Հայկո Մաասի հետ համատեղ մամուլի ասուլիսում:

Նա նշել է, որ հայկական կողմի համար Արցախի կարգավիճակի և անվտանգության հարցերը հանդիսանում են կարևոր առաջնահերթություններ:

«Իհարկե, անդրադարձ կատարվեց ղարաբաղյան հիմնախնդրի կարգավորմանը։ Ես վերահաստատեցի Հայաստանի կառավարության հանձնառությունը հակամարտության բացառապես խաղաղ հանգուցալուծմանը ԵԱՀԿ Մինսկի խմբի համանախագահության միջազգայնորեն համաձայնեցված ձևաչափի շրջանակներում»,-ասել է ԱԳ նախարարը:

ՀՀ ԱԳ նախարարը նշել է, որ այս համատեքստում Հայաստանը շատ բարձր է գնահատում Գերմանիայի անվերապահ աջակցությունը ԵԱՀԿ Մինսկի խմբի համանախագահության ջանքերին, հայտնում է ԱԳՆ մամուլի ծառայությունը։

Արցախի և Հայաստանի արտաքին քաղաքական գերատեսչությունների ներկայացուցիչների անդիպման ընթացքում կողմերը քննարկել են Ադրբեջանի և Լեռնային Ղարաբաղի հակամարտության խաղաղ կարգավորման հեռանկարներն ու վերջին զարգացումները։ Այս համատեքստում նշվել է բանակցությունների լիարժեք եռակողմ ձևաչափի վերականգնման կարևորությունը՝ Արցախի լիիրավ մասնակցությամբ։

 Ուշագրավ
ՀՀ-ն խորհրդում կաշխատի 2020-2022 թվականներին։
Վրաստանի վարչապետը կայցելի նաև Ծիծեռնակաբերդի հուհաշահամալիր՝ հարգանքի տուրք մատուցելու Հայոց ցեղասպանության զոհերի հիշատակին
ԱԳՆ-ում նշում են՝ ռազմական ներխուժումը ստեղծում է նաև ինքնության հիմքով մարդու իրավունքների ծանր և զանգվածային խախտումների անմիջական վտանգ
Թուրքական զորքերը Սիրիայի հյուսիսում ռազմական գործողություններ են սկսել