Միացյալ Թագավորության Համայնքների պալատը հավանություն է տվել ՀՀ-ԵՄ համաձայնագրին

Միացյալ Թագավորության Համայնքների պալատը  հավանություն է տվել ՀՀ-ԵՄ   համաձայնագրին

PanARMENIAN.Net - Հուլիսի 11-ին Միացյալ Թագավորության Համայնքների պալատը հավանություն է տվել Հայաստանի և Եվրամիության միջև ստորագրված Համապարփակ և ընդլայնված գործընկերության մասին համաձայնագրին: Այս մասին գրառում է հրապարակվել Լոնդոնում ՀՀ դեսպանության թվիթերյան միկրոբլոգում:

Նշվում է, որ համաձայնագիրը փոխանցվել է Լորդերի պալատ՝ վերջնական վավերացման համար:

Հայաստանի և ԵՄ-ի միջև Համապարփակ և ընդլայնված գործընկերության մասին համաձայնագիրը ստորագրվել է 2017 թվականի նոյեմբերի 24-ին, Բրյուսելում: Համաձայնագիրը վավերացրել են Լատվիան, Լիտվան,Էստոնիան, Լեհաստանը և Լյուքսեմբուրգը:

Եվրախորհրդարանը կողմ է քվեարկել՝ ԵՄ-Հայաստան Համապարփակ և ընդլայնված համագործակցության համաձայնագրի կոնսենտին և ԵՄ-Հայաստան հարաբերություններին վերաբերող բանաձևին:

 Ուշագրավ
Փայլանը նախարարից հետաքրքրվել է, թե արդյոք գերատեսչությունը հետաքննություն է արել
Կողմերը պայմանավորվել են արդյունքվետ քայլեր ձեռնարկել ՀՀ և Չեխիայի միջև Հետընդունման համաձայնագրի իրականացման ուղղությամբ
Բաբայանը գլխավորում է Արցախի պահպանողական կուսակցությունը
ՉԺՀ տարածքից վերջին տասը օրում Հայաստան է վերադարձել մոտ 200 քաղաքացի