Արգենտինական Կորդովայում փողոցների ցուցանակները հայերեն են թարգմանվել

Արգենտինական Կորդովայում փողոցների ցուցանակները հայերեն են թարգմանվել

PanARMENIAN.Net - Արգենտինայի Կորդովա քաղաքի քաղաքապետարանը որոշել է, որ հայկական անվանումներով փողոցների ցուցանակները երկլեզու պետք է լինեն՝ իսպաներեն և հայերեն:

Կորդովայի հրապարակներից մեկը կոչվում է Հայաստանի Հանրապետության, կան նաև Արմենիա, Զորավար Անդրանիկ փողոցներ։

Նախաձեռնության հեղինակը Կորդովայի քաղաքային խորհրդի հայազգի անդամ Լուկաս Բալյանն է: Այդ մասին ասվում է Կորդովայի հայ համայնքի ֆեյսբուքյան էջում:

Նախաձեռնությունը նվիրված է Հայաստանի Առաջին Հանրապետության 100-ամյակին:

Նշվում է, որ Արգենտինայի մեծությամբ երկրորդ քաղաքի հայ համայնքի անդամները երկլեզու ցուցանակների տեղադրման կապակցությամբ շնորհակալական նամակ են հղել Կորդովայի քաղաքապետ Ռամոն Խավիեր Մեստրեին:

Արգենտինայում բնակվում է 135 000 հայ։ Մեծ մասը (123 հզ.) կենտրոնացած է Բուենոս Այրեսում և Կորդովայում (7 հզ)։ Արգենտինայի շատ քաղաքներում կան հայկական տեղանուններով, նշանավոր հայերի անուններով փողոցներ, հրապարակներ։ Բուենոս Այրեսի հրապարակներից մեկը կոչվում է Հայաստան, մեկ ուրիշը՝ Արարատ, որտեղ կանգնեցված է Մեծ եղեռնի նահատակներին նվիրված հուշակոթող, Պալերմո թաղամասի Արմենիա փողոցում տեղադրված է Սարդարապատի հերոսամարտի հուշարձան-կոթողը։

 Ուշագրավ
Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով
Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները
Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար
Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները