Վոլոդին. ՀԱՊԿ ԽՎ նիստը կարող է Երևանում անցկացվել 2019-ի աշնանը

PanARMENIAN.Net - ՀԱՊԿ Խորհրդարանական վեհաժողովի լիագումար նիստը կարող է Երևանում անցկացվել 2019-ի աշնանը: Այդ մասին հայտարարել է ՌԴ խորհրդարանի նախագահ Վյաչեսլավ Վոլոդինը Մոսկվայում ընթացող ՀԱՊԿ Խորհրդարանական վեհաժողովի խորհրդի նիստից հետո լրագրողներին:

«Կա հնարավորություն աշնանային նիստն անցկացնել Երևանում, եթե հայկական կողմը հանդես գա նման առաջարկով», - ասել է նա, հայտնում է Ռուսաստանի նորությունների դաշնային գործակալությունը:

2018-ի աշնան լիագումար նիստի անցկացումը Երևանից տեղափոխվեց Մոսկվա, այն պատճառաբանությամբ, որ ՀՀ-ում արտահերթ խորհրդարանական ընտրություններ են անցկացվելու:

Հայաստանի խորհրդարանի ղեկավար Արա Բաբլոյանը, որը Մոսկվայում մասնակցում է ՀԱՊԿ Խորհրդարանական վեհաժողովի խորհրդի նիստին, իր ելույթի ժամանակ ափսոսանք էր հայտնել Երևանում կայանալիք ՀԱՊԿ Խորհրդի և լիագումար նիստի հետաձգման կապակցությամբ։ «Այո, Հայաստանում ներքաղաքական իրավիճակը կարող է հանգեցնել խորհրդարանի լուծարման, և, որպես հետևանք, արտահերթ ընտրությունների։ Բայց, անկախ ամեն ինչից, մենք պատրաստ ենք կատարել մեր պարտավորությունները և ընդունել մեզ մոտ նախանշված միջոցառումները: Միևնույն ժամանակ, մենք հարգում ենք կոնսենսուսով ընդունված որոշումը` հետաձգելու երևանյան նիստի անցկացումը: Հուսով եմ, որ Երևանում առաջիկայում տեղի կունենա ՀԱՊԿ ԽՎ Խորհրդի և լիագումար նիստը», - ասել է Արա Բաբլոյանը։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---