«Շերեմետևոյում» ՀՀ քաղաքացու մահվան հանգամանքները խոստացել են քննել 10 օրում

«Շերեմետևոյում» ՀՀ քաղաքացու մահվան հանգամանքները խոստացել են քննել 10 օրում

PanARMENIAN.Net - Ռոսավիացիան հատուկ քննչական հանձնաժողով է ստեղծել, որը պետք է քննի Մոսկվայի «Շերեմետևո» օդանավակայանում տեղի ունեցած միջադեպը, որի հետևանքով ՀՀ քաղաքացին մահացել է՝ ընկնելով ինքնաթիռի անիվների տակ: Այդ մասին լրագրողներին է հայտնել Ռոսավիացիայի ղեկավար Ալեքսանդր Ներադկոն` հավելելով, որ քննությունը 10 օր կտևի:

«Իհարկե, անցկացվելու է»,-ասել է նա՝ պատասխանելով քննություն անցկացնելու մասին հարցին: «Ստեղծվել է հանձնաժողով: Քննության նպատակն է կանխել նման դեպքերն ապագայում»,-ասել է նա, գրում է ՏԱՍՍ-ը:

Ըստ նրա, թռիչքուղու վրա տղամարդու հետ բախված ինքնաթիռը պատկանում է «Աերոֆլոտին»: Ներադկոն չի ցանկացել մեկնաբանել միջադեպի պատճառները մինչև քննության ավարտը:

ՀՀ քաղաքացին «Շերեմետևոյում» ընկել է ինքնաթիռի անիվների տակ: Նրան Մադրիդից արտաքսել են հայրենիք՝ Մոսկվայում կանգառով: Իսպանիայից Մոսկվա թռչելիս նա դեբոշ է հրահրել ինքնաթիռում: Ավելի ուշ պարզվել է, որ զոհը 1993թ. ծնված ՀՀ քաղաքացի Եփրեմյան Ա.Գ-ն է:

Թե ինչպես է ուղևորը հայտնվել թռիչքուղում, հայտնի չէ:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---