Մոսկվան Բաքվին «Բալ» չի վաճառի․ Դա կսպառնար ռուսական նավերին

Մոսկվան Բաքվին «Բալ» չի վաճառի․ Դա կսպառնար ռուսական նավերին

PanARMENIAN.Net - ՌԴ կողմից Ադրբեջանին «Բալ-Է» առափնյա հրթիռային համալիրի վաճառքը խափանվել է: Դա տեղի է ունեցել ՌԴ պաշտպանության նախարարության դիրքորոշման պատճառով: Ռուս զինվորականները կարծում են, որ նույնիսկ համալիրի հրթիռի արտահանվող մոդիֆիկացիան կարող է պոտենցիալ սպառնալիք լինել ՌԴ Կասպից ծովի նավերի համար, գրում է «Կոմերսանտը»:

Ռուսաստանի համար այս գործարքից հրաժարվելը կրիտիկական չէ՝ վերջին տարիներին Բաքուն ընդհանուր առմամբ 5 մլրդ դոլարի ռուսական արտադրության զենք ու ռազմատեխնիկա է գնել:

Ըստ թերթի մեկ այլ բարձրաստիճան աղբյուրի, այժմ «Բալի» առաքումների թեման չի քննարկվում, քանի որ կա «նաև աշխարհաքաղաքական նրբություն»: Վերջին տարիներին Х-35 տիպի հրթիռի գլխիկն արդիականացվել է՝ հարմարեցվելով ոչ միայն ծովային, այլև ցամաքային թիրախներ խոցելու համար: «Մենք ամենևին չէինք ուզենա, որ այս զենքը կիրառվեր ղարաբաղյան հակամարտությունում»,-ասել է նա:

Ռազմատեխնիկական գործակցության դաշնային ծառայությունում և «Ռոսօբորոնէքսպորտում» մեկնաբանություններից ձեռնպահ են մնացել:

«Բալ-Է»-ն ռուսական «Բալ» առափնյա հրթիռային համալիրի արտահանման համար նախատեսված տարբերակն է։ Կրակի հեռահարությունը մինչև 120 կմ է, հրթիռային լրակազմը՝ մինչև 64 հատ հրթիռ։ Համալիրն ընդգրկում է ինքնագնաց հրամանատարական կապի և կառավարման մեքենաներ, ինքնագնաց արձակման կայաններ՝ X-35Է հականավային հրթիռներով, տրանսպորտային-լիցքավորող մեքենաներ։ Համալիրը նախատեսված է ջրային տարածքների, ռազմակայանների, ենթակառուցվածքների, ծովային հաղորդակցության միջոցների պաշտպանության համար:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---