Freedom House. ՀՀ-ում ժողովրդավարությունն առաջընթաց է գրանցել

Freedom House. ՀՀ-ում ժողովրդավարությունն առաջընթաց է գրանցել

PanARMENIAN.Net - Freedom House միջազգային իրավապաշտպան կազմակերպության հրապարակած «Ժողովրդավարության նահանջը» զեկույցում անդրադարձ կա 2018 թվականին Հայաստանում ապրիլյան իրադարձություններին:

Համաձայն զեկույցի, ՀՀ-ն մի շարք այլ երկրների հետ նախորդ տարում արձանագրել է ժողովրդավարական անսպասելի առաջընթաց:

Նշվում է, որ երկրում տեղի ունեցած զանգվածային ոչ բռնի բողոքի ալիքը ստիպել է նախկին իշխանություններին հաշվի նստել հանրային պահանջի հետ. արդյունքում` իշխանությունն անցել է «բարեփոխումներ հակված ուժի՝ վարչապետ Նիկոլ Փաշինյանի գլխավորությամբ»:

Միևնույն ժամանակ, կազմակերպության դասակարգմամբ, Հայաստանը շարունակում է մնալ դեռևս մասնակի ազատ երկրների շարքում: Տարածաշրջանի երկրներից Վրաստանը նույնպես մասնակի ազատ երկրի կարգավիճակ ունի:

Թուրքիան, Իրանը և Ադրբեջանը, ինչպես նաև Ռուսաստանը, դասվում են ոչ ազատ երկրների շարքին:

Հղումներ թեմայով.
 Ուշագրավ
Գեյվին Նյուսոմի խոսքով՝ ատելության նմանատիպ դրսևորումը նահանգում տեղ չունի
Փաստացի բուժում է ստանում 63 հիվանդ
«Ռազմական լուծում լինել չի կարող», - ասել է նա
Դեպքերը կապակցված են Մարտակերտում հաստատված օջախի հետ