// IP Marketing video - START// IP Marketing video - END

Սիրիայում վիրավորված հայ սակրավորը տեղափոխվել է Մոսկվա

Սիրիայում վիրավորված հայ սակրավորը տեղափոխվել է Մոսկվա

PanARMENIAN.Net - Սիրիայում վիրավորված հայ սակրավորը տեղափոխվել է Մոսկվայի հոսպիտալ: Նրան մարտի 15-ին այցելել է ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանը, որը Մոսկվայում է աշխատանքային այցով:

Դավթյանը մասնակցում է ԱՊՀ անդամ պետությունների զինված ուժերի գլխավոր շտաբերի պետերի կոմիտեի հերթական նիստին, հայտնում է ՊՆ հասարակայնության հետ կապերի բաժինը:

Մինչ Մոսկվա տեղափոխվելը հայ սակրավորը բուժում էր ստանում սիրիական հոսպիտալում։

Հայ սակրավորը Սիրիայում մարդասիրական առաքելության իրականացման ընթացքում ոտնաթաթի շրջանում ականապայթյունային վիրավորում էր ստացել մարտի 7-ին:

Փետրվարի 8-ին Սիրիայի ժողովրդին մարդասիրական օժանդակություն ցուցաբերելու նպատակով հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր` 83 հոգի) ժամանել է Լաթաքիա քաղաքի «Հմեյմիմ» ավիաբազա:

Փետրվարի 10-ին խումբը տեղակայվել է Հալեպի Մայսալուն թաղամասում գտնվող ՀՀ հումանիտար առաքելության համար նախատեսված ՄՏՎ-ում, որտեղ մինչև փետրվարի 17-ը կազմակերպել են կենցաղային ապահովման խնդիրները և տարածքի պահպանությունը: Համաձայն պլանի` անձնակազմի հետ անցկացվել են մասնագիտական պարապմունքներ:

 Ուշագրավ
Պիրոցցիի ներկայացրած օրինագիծը լիակատար համերաշխություն է հայտնում հայ ժողովրդին
Թանգարանը բազմաֆունկցիոնալ հարթակ կհանդիսանա, թանգարանին կից նաև գրադարան կգործի
Նա ողջունել է ՀՀ վարչապետի այցը և նշել, որ տեղեկացվել է Նիկոլ Փաշինյանի և Իրանի նախագահ Հասան Ռոհանիի բանակցությունների արդյունքներին