// IP Marketing video - START// IP Marketing video - END

Հայաստանը դեսպանատներ է բացում Իսրայելում ու Եթովպիայում

Հայաստանը դեսպանատներ է բացում Իսրայելում ու Եթովպիայում

PanARMENIAN.Net - Հայաստանն Իսրայելում ու Եթովպիայում ռեզիդենտ դեսպան ու դեսպանություն կունենա։ Համապատասխան որոշումները սեպտեմբերի 19-ի նիստին հավանության է արժանացրել ՀՀ կառավարությունը։

ՀՀ-ն ու Իսրայելը դիվանագիտական հարաբերություններ ունեն 1992 թ-ից, սակայն ներկայացված են եղել ոչ ռեզիդենտ դեսպաններով։ Իսրայելում կա հայկական մեծ համայնք, բացի այդ՝ երկիրն Ադրբեջանին զենքի խոշորագույն մատակարարներից է։

Նախագծի հիմնավորումում նշվում է, որ կարևորվում է հնարավորինս սեղմ ժամկետներում (2019թ. վերջ, 2020թ. սկիզբ) Թել Ավիվում ՀՀ դեսպանությունը ստեղծելը:

«Իսրայելում ՀՀ դեսպանություն ստեղծելը, և այդպիսով երկկողմ հարաբերություններին նոր զարկ տալը ուղղված է տարածաշրջանում Հայաստանի շահերն առավել արդյունավետ պաշտպանելուն: Դեսպանություն հիմնելը միտված է նաև պետական մակարդակով ներգրավվելու բազմադարյա հայկական ներկայության, հարուստ պատմա-մշակութային ժառանգության, Հայ առաքելական եկեղեցու՝ Սուրբ վայրերի իրավատեր լինելու պահպանմանը», - գրված է նախագծի հիմնավորումում։

Նիստի ժամանակ ԱԳ նախարար Զոհրաբ Մնացականյանը նշել է, որ կոնկրետ ժամկետներ նշելը վաղաժամ է, քանի որ դեռ քննարկվելու հարցեր կան։

ԿԳՄՍ նախարար Արայիկ Հարությունյանը հետաքրքրվել է՝ կոնկրետ որտեղ է բացվելու դեսպանատունը։ Մնացականյանը նշել է, որ տեղն ընտրվելու է, հաշվի առնելով ՀՀ՝ նախկինում բազմիցս արտահայտած դիրքորոշումը (Իսրայելը մայրաքաղաք է համարում Երուսաղեմը, սակայն միջազգային հանրության մեծ մասն, այդ թվում՝ ՀՀ-ն, մայրաքաղաք է համարում Թել Ավիվն ու տեղակայում է դեսպանություններն այնտեղ – խմբ․): Մնացականյանը նաև ասել է, որ Իսրայելի դեսպանատուն ՀՀ-ում դեռ չի բացվում, սակայն այդ ուղղությամբ էլ է վարվելու երկխոսություն։

 Ուշագրավ
Վրաստանի վարչապետը կայցելի նաև Ծիծեռնակաբերդի հուհաշահամալիր՝ հարգանքի տուրք մատուցելու Հայոց ցեղասպանության զոհերի հիշատակին
ԱԳՆ-ում նշում են՝ ռազմական ներխուժումը ստեղծում է նաև ինքնության հիմքով մարդու իրավունքների ծանր և զանգվածային խախտումների անմիջական վտանգ
Թուրքական զորքերը Սիրիայի հյուսիսում ռազմական գործողություններ են սկսել
Երկաթուղու շարժակազմը ռուսական կողմի սեփականությունն է