«Հայփոստը» կհանվի մասնավորեցվող ընկերությունների ցանկից

«Հայփոստը» կհանվի մասնավորեցվող ընկերությունների ցանկից

PanARMENIAN.Net - «Հայփոստ» և «Էներգաիմպեքս» ընկերությունները կհանվեն մասնավորեցվող ընկերությունների ցանկից: Ազգային ժողովն առաջին ընթերցմամբ ընդունել է նախագիծը: Որոշմանը կողմ է քվեարկել 99 պատգամավոր:

Դեմ քվեարկողներ չեն եղել:

Նախագծով փոփոխություններ են նախատեսվում «Պետական գույքի մասնավորեցման 2017-2020 թվականների ծրագրի մասին» օրենքի՝ մասնավորեցման ենթակա պետական բաժնեմաս ունեցող ընկերությունների ցանկում:

«Էներգաիմպեքս» ընկերությունը ստեղծվել էր 2014-ին՝ պլանավորվող Իրան-Հայաստան-Ռուսաստան-Վրաստան քառակողմ էներգետիկ միջանցքի շրջանակներում էլէներգիայի առուվաճառի համար։

«Հայփոստը» գտնվում է «Հայփոստ Թրաստ Մենեջմենթ» ընկերության կոնցեսիոն կառավարման տակ, որը պատկանում է ագրենտինահայ Էդուարդո Էռնեկյանին։

Ավելի վաղ հայտնի դարձավ, որ նպատակահարմար է համարվել պահպանել «Հայփոստը» պետության ձեռքում և հետագայում նոր մրցույթ անցկացնել, որին կարող են մասնակցեն ինչպես ներկայիս կառավարիչները, այնպես էլ այլոք, սակայն նոր նախապայմաններ կառաջադրվեն կառավարչին: Այդ մասին հայտարարել էր Պետական գույքի կառավարման կոմիտեի նախագահ Նարեկ Բաբայանը՝ հավելելով, որ «Հայփոստը» մասնավորեցման ցանկից հանելը չի առնչվում կոնկրետ Էդուարդո Էռնեկյանին, կամ ներկայիս կառավարիչներին:

 Ուշագրավ
Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը
«Ինժիներական ասոցիացիա» ՀԿ-ին տրամադրել 90 մլն դրամ՝ թոքերի արհեստական շնչառական սարքերի ստեղծման գաղափարների մասնագիտական ուսումնասիրության համար
Սիմոնյանի խոսքով՝ մի շարք ապրանքատեսակների ներմուծման մաքսատուրքերը կզրոյացվեն