Թուրքական բանակում ապրիլի 24-ին հայ զինվորին սպանողն ազատազրկվել է 17 տարով

Թուրքական բանակում ապրիլի 24-ին հայ զինվորին սպանողն ազատազրկվել է 17 տարով

PanARMENIAN.Net - Թուրքիայի զինված ուժերում պարտադիր ժամկետային զինծառայության ժամանակ 2011-ի ապրիլի 24-ին սպանված հայազգի Սևակ Բալըքչըի գործով դատարանը նոր որոշում է կայացրել: Նրա ծառայակից Քըվանչ Աղաօղլուն դիտավորյալ սպանության մեղադրանքով դատապարտվել է 16 տարի 8 ամիս ազատազրկման: Ըստ Ermenihaber-ի՝ նրան կալանավորել են դատական նիստի ժամանակ:

Սևակ Բալըքչըի դատական գործը կրկին քննության էր դրվել 2018-ին:

Բալըքչըն սպանվել էր Հայոց ցեղասպանության 96-րդ տարելիցին՝ Թուրքիայի Բաթման նահանգի Քոզլուք շրջանում թուրք զինվորի արձակած գնդակից:

2013-ին դատարանի որոշմամբ Աղաօղլուի արաքը որակվել էր ոչ թե դիտավորյալ, այլ՝ զենքի հետ անփույթ վարվելու հետևանքով կատարված սպանություն: Նա, այդպիսով, դատապարտվել էր 4.5 տարվա ազատազրկման: Սակայն Բալըքչըի ընտանիքը բողոքարկել էր վերոնշյալ որոշումը: Արդյունքում Վերաքննիչը բավարարել է բողոքարկման հայցը:

Քանի որ Թուրքիայում 2016-ի հուլիսի 15-ին ռազմական հեղաշրջման փորձից հետո վերացվեցին բոլոր ռազմական դատարանները, Սևակի գործը հանձնվեց քաղաքացիական դատարանի վարույթ:

Սևակ Բալըքչըի ծնողները համոզված են՝ իրենց որդին սպանվել է ազգային թշնամանքի հողի վրա:

Photo. Ria Novosti
 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---