Առաջարկ. Մեղմացնել մեկ պետհամարանիշի բացակայության համար պատիժը20 հունվարի 2020 - 18:19 AMT PanARMENIAN.Net - Ավտոմեքենայի մեկ պետհամարանիշի բացակայությունը հաճախ անփութության, վարորդից անկախ հանգամանքներում առաջացած խնդրի արդյունք է և չպետք է պատժվի նույն սկզբունքով, ինչ երկու պետհամարանիշի բացակայությունը: Այս մասին Ազգային ժողովում ասել է «Իմ քայլը» խմբակցության պատգամավոր Գևորգ Պապոյանը: Պատգամավորն առաջարկել է փոփոխություն կատարել «Վարչական իրավախախտումների մասին» նորացված օրենքում, որն ուժի մեջ է մտել այս 2020-ի հունվարի 1-ից և սահմանում է տուգանային միավորներ՝ ճանապարհային երթևեկության կանոնների խախտման դեպքում: Նրա խոսքով՝ պրակտիկայում դժվար է ապացուցել, որ մեքենայի պետհամարանիշը վարորդի մեղքով է բացակայում, թե նրանից անկախ, բայց մեկ պետհամարանիշի բացակայությունն անհամեմատելի է երկուսի բացակայության հետ. առաջին դեպքում հնարավոր պատճառ կարող են լինել նաև այլ հանգամանքներ, երկրորդ՝ միտումնավոր: «Գործող օրենսդրական կարգավորմամբ, երբ մեքենայի պետհամարանիշներից մեկը կամ երկուսը բացակայում են, ապա տվյալ մեքենայի վարորդը մեկ տարով զրկվում է այդ մեքենան վարելու իրավունքից։ Իմ առաջարկած նախագծով՝ եթե մեքենայի վրա պետհամարանիշերից միայն մեկն է բացակայում, առաջարկում եմ կիրառել վարչական մեղմ պատժամիջոց՝ 20,000 դրամ տուգանք և 2 բալ»,- ասել է Պապոյանը: Մինչև բալային համակարգի ներդրումը խախտման այս տեսակի համար «Վարչական իրավախախտումների մասին» նախորդ օրենքը 200,000 դրամ էր նախատեսում` ընդ որում, թե՛ մեկ, թե՛ երկու համարանիշների բացակայության համար։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |