ՀՀ-ԵՄ վիզայի ազատականացման երկխոսությունը սկսելու ուղիներն են քննարկվել 7 փետրվարի 2020 - 18:22 AMT PanARMENIAN.Net - ՀՀ միջգերատեսչական պատվիրակությունը Պրահայում Չեխիայի ներքին գործերի նախարարի տեղակալ Յակուբ Կուլհանեկի հետ հանդիպմանը քննարկել է ՀՀ-ԵՄ մուտքի արտոնագրերի ազատականացման երկխոսությունը սկսելու հնարավոր ուղիները: Միջգերատեսչական պատվիրակությունը ձևավորվել է ՀՀ-ԵՄ վիզայի ազատականացման երկխոսության մեկնարկը խթանելու համար: Կողմերն անդրադարձել են ՀՀ քաղաքացիների կողմից Չեխիա ներգաղթի դեպքերին: Պայմանավորվածություն է ձեռք բերվել ՀՀ և Չեխիայի միջև Հետընդունման համաձայնագրի առավել արդյունավետ կիրարկման ուղղությամբ քայլեր ձեռնարկել: Նույն օրը Չեխիայի ԱԳՆ-ում հայկական պատվիրակությունը հանդիպել է Չեխիայի ԱԳՆ փոխնախարարի տեղակալ, մուտքի արտոնագրերի վարչության պետ Դավիդ Նովիին: Չեխական կողմից հանդիպմանը ներկա էր նաև ԱԳՆ-ի` Հայաստանի համար պատասխանատու աշխատակիցը: Կողմերը քննարկել են երկու երկրի միջև ներկայումս գործող արտոնագրային ռեժիմին առնչվող մի շարք հարցեր, խոսել առկա խնդիրներից և դրանց հաղթահարման հեռանկարներից։ 2019-ի հունիսին Բրյուսելում կայացած ՀՀ-ի և Եվրամիության միջև Գործընկերության խորհրդի երկրորդ նիստում հայտարարվել էր, որ ՀՀ-ի և Եվրամիության միջև մուտքի արտոնագրերի ազատականացման շուրջ երկխոսության մեկնարկը կդիտարկվի պատեհ պահի: Նշվել էր, որ քաղաքացիների շարժունակությունը և մարդկանց միջև շփումները բարելավելու նպատակով ԵՄ-ն և Հայաստանը շարունակելու են քաղաքացիների շարժունակության խթանումը Մուտքի արտոնագրերի դյուրացման և Հետընդունման մասին համաձայնագրերի միջոցով:   Ուշագրավ Բացառություն կարվի Արցախում հաշվառում ունեցող անձանց, բեռնափոխադրում իրականացնող տրանսպորտային միջոցների համար Ֆուտբոլիստը ՀՀ էր եկել ՌԴ-ի վիզա ստանալու Դեսպանությունից նշել են նաև, թե երկրի որ շրջանները չարժե այցելել   Ամենաընթերցվողը բաժնում |  Վերջին լուրեր ՀՀ պարետ. Կորոնավիրուսն ախտորոշող թեստերի տեղական արտադրությունը քննարկվում է  Պարետի խոսքով՝ բոլոր պայմաններն ապահովելու դեպքում պլանավորվում է 100,000 թեստի արտադրությունՓաշինյանն ու Լուկաշենկոն քննարկել են «ռուսական գազի ուռճացված գինը» Նրանք նշել են, որ ՌԴ-ից երկու երկրի կողմից ներկրվող գազի գինը չի համապատասխանում համաշխարհային մակարդակինԱվինյան. Աշխատանքի գնացողներից այդ փաստը հաստատող փաստաթուղթ կպահանջվի ՀՀ-ում պարետային ժամ հայտարարելը ռիսկային է, կսահմանվեն տեղաշարժի վերահսկողության նոր մեխանիզմներԱվինյան. Սահմանափակումները կխստացվեն, հույս կա մայիսի սկզբին վերադառնալու բնականոն կյանքի Պարետը հայտնել է, որ պատրաստվում են էֆեկտիվ գործիքներ զարգացնել՝ վիրուսի տարածման կանխարգելիչ աշխատանքներ իրականացնելու համար |
