Սահմանադրական փոփոխությունների հանրաքվեն 3,4 մլրդ դրամ կարժենա

Սահմանադրական փոփոխությունների հանրաքվեն 3,4 մլրդ դրամ կարժենա

PanARMENIAN.Net - Կառավարությունն իր պահուստային ֆոնդից 3,4 մլրդ դրամ կհատկացնի Սահմանադրական փոփոխությունների հանրաքվեի կազմակերպմանը:

Ընդ որում՝ մոտ 2.5 մլրդ դրամը նախատեսվում է հատկացնել Կենտրոնական ընտրական հանձնաժողովին՝ հանրաքվեի կազմակերպման համար, 660 մլն դրամը՝ օգտագործել 1500 տեղամասում առցանց համակարգով տեսանկարահանման և հեռարձակման համար, իսկ մնացած 234 մլն-ը կտրվի ոստիկանությանը՝ ընտրողներին ծանուցելու համար:

Ըստ ֆինանսների նախարար Ատոմ Ջանջուղազյանի՝ հաշվարկները կատարված են գործող օրենսդրության տրամաբանությամբ, իսկ գումարի 80-85%-ն օգտագործվելու է տեղամասերում աշխատանքի վարձատրության համար:

Վարչապետ Նիկոլ Փաշինյանի խոսքով՝ ծախսվող գումարը ներհոսելու է տնտեսություն:

«Ժողովրդի ազատ կամարտահայտության համար, այո’, պետք է ծախսվեն գումարներ: Բոլոր ընտրությունները, որ տեղի են ունենում, որոշակի գումար արժեն»,- ասել է Փաշինյանը՝ նշելով, որ սա չպետք է շահարկումների առիթ դառնա:

ՀՀ-ում Սահմանադրական փոփոխությունների հանարքվեն կկայանա ապրիլի 5-ին:

 Ուշագրավ
ՌԴ-ում սահմանափակումների ռեժիմը չի ազդելու ՀՀ-ի վրա
Շուկայի վերահսկողության տեսչական մարմինն ուսումնասիրում է ալկոգելի շուկան՝ խախտումների մասին ահազանգերի հիմքով
Փաշինյանն ասել է, որ կորոնավիրուսից հետո ավելի ուժեղացած դուրս կգան այն երկրները, որոնք կհասցնեն ռազմավարական բնույթի որոշումներ կայացնել
«Պատրաստ ենք անբարենպաստ զարգացման դեպքում «հանգստացնել» ֆինանսական շուկան»,- ասել է նա