Տեղական կոնյակի գովազդն առաջարկվում է վերացնել

Տեղական կոնյակի գովազդն առաջարկվում է վերացնել

PanARMENIAN.Net - Էկոնոմիկայի նախարարությունն առաջարկում է փոփոխություններ անել գովազդի մասին օրենքում՝ վերանայելով թունդ ալկոհոլային խմիչքներին վերաբերող գործող կարգավորումը՝ վերացնելով միայն տեղական արտադրության կոնյակի գովազդի համար սահմանված թույլտվությունը։

Այժմ «Գովազդի մասին» օրենքով արգելվում է զանգվածային տեղեկատվության էլեկտրոնային միջոցներով ժամը՝ 06:00-ից մինչև 22:30-ը, ցուցադրել թունդ ալկոհոլային խմիչքների գովազդ (սպիրտի պարունակությունը 20 և ավելի ծավալային միավոր)՝ բացառությամբ տեղական արտադրության կոնյակի:

Ըստ Էկոնոմիկայի նախարարության՝ գործող օրենքն անհավասար մրցակցային պայմաններ է ստեղծում ոլորտում՝ նույն շուկայում գործող կամ «դրա փոխադարձ փոխարինելի ապրանքների հնարավոր կամ փաստացի մրցակիցների համար»։

Գերատեսչությունում կարծում են, որ այժմ անհավասար մրցակցային պայմաններ կան տեղական և արտասահմանյան արտադրողների միջև՝ անհիմն խոչընդոտներ առաջացնելով վերջիններիս համար՝ ՀՀ սահմաններից դուրս արտադրված ապրանքը գովազդելու մասով։

Նախագծից ակնկալվող արդյունքը բոլոր տնտեսավարողների համար բարենպաստ և հավասար տնտեսական մրցակցային պայմանների ապահովումը և միջազգային պայմանագրի շրջանակում ստանձնած պարտավորությունների կատարումն է:

ՀՀ-ում, ըստ վիճակագրական կոմիտեի, 2019-ի հունվար-դեկտեմբերին արտադրվել է 43,505 լ կոնյակ, ներմուծվել է՝ մոտ 14,000 լ, երկրից արտահանվել է մոտ 41,000 լ կոնյակ:

 Ուշագրավ
ՌԴ-ում սահմանափակումների ռեժիմը չի ազդելու ՀՀ-ի վրա
Շուկայի վերահսկողության տեսչական մարմինն ուսումնասիրում է ալկոգելի շուկան՝ խախտումների մասին ահազանգերի հիմքով
Փաշինյանն ասել է, որ կորոնավիրուսից հետո ավելի ուժեղացած դուրս կգան այն երկրները, որոնք կհասցնեն ռազմավարական բնույթի որոշումներ կայացնել
«Պատրաստ ենք անբարենպաստ զարգացման դեպքում «հանգստացնել» ֆինանսական շուկան»,- ասել է նա