Փաշինյանն ու Աննա Հակոբյանը որոշել են մեկուսանալ Սևանում. Նրանք ևս կորոնավիրուսի թեստ կհանձնեն

Փաշինյանն ու Աննա Հակոբյանը որոշել են մեկուսանալ Սևանում. Նրանք ևս կորոնավիրուսի թեստ կհանձնեն

PanARMENIAN.Net - ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ որոշել է մեկուսանալ Սևանում, նրանք մարտի 14-ին կորոնավիրուսի թեստ կհանձնեն: Այս մասին ֆեյսբուքյան իր էջում հայտարարել է վարչապետ Փաշինյանը՝ նշելով, որ որոշումը կայացրել են Բրազիլիայի նախագահի՝ կորոնավիրուսով վարակվելու լուրերից հետո:

Չնայած այդ լուրը հերքվել է և, վարչապետի խոսքով, իրենց վարակվելու հավանականությունը գրեթե զրոյական է, սակայն առողջապահության նախարար Արսեն Թորոսյանը խորհուրդ է տվել թեստ հանձնել՝ ապահով զգալու համար:

«Մենք եկանք Սևանում մեկուսանալու և առաջին գործողությունը, որ արեցինք` ջերմությունը չափելն էր, հերթական անգամ ուրախացանք, որ ջերմություն չկա»,-ասել է վարչապետը:

Մարտի 7-ին Աննա Հակոբյանը հանդիպել է Բրազիլիայի նախագահի կնոջ հետ: Բրազիլիայի նախագահի խորհրդականներից մեկի մոտ վիրուսը հաստատվել է:

Փաշինյանը մանրամասներ է հայտնել նաև ՀՀ-ում կորնավիրուսի տարածվող դեպքերի վերաբերյալ՝ նշելով, որ վիրուսի դեմ ամենաարդյունավետ պայքարը յուրաքանչյուրի անձնական պատասխանատվությունն է:

Մարտի 13-ի դրությամբ՝ 13 հաստատված դեպք կա ՀՀ-ում:

Փաշինյանը նշել է, որ եթե Էջմիածնում վարակված կինը հետևեր առողջապահության նախարարության ցուցումներին և չթաքցներ ջերմություն ունենալու փաստը, ՀՀ-ում այսօր 13-ի փոխարեն 6 դեպք կլիներ: Վարչապետի խոսքով՝ վարակված կինը հրաժարվել է ջերմաչափվել, հաշվառումից հետո նրանց տուն են այցելել բժիշկները, նա հավաստիացրել է, որ բողոք չունի: Փաշինյանը հայտնել է, որ ՀՀ-ում կորոնավիրուսի տարածման ամենաակտիվ և թեժ կետը շարունակում է մնալ էջմիածինը և քաղաքը պետք է պահել ուշադրության կենտրոնում: Վարչապետի խոսքով՝ պետք է ավելի խիստ միջոցառումների անցնել՝ դադարելով այցելել թատրոն, կինո, հանրային այլ վայրեր այցելությունները: Վարչապետը նշել է նաև, որ արդարադատության նախարարության հետ քննարկվում է, ինչպես անել, որ իրավական լծակներ մշակվեն, որ վարակիչ հիվանդությունների դեպքում ժամանակին բժշկի չդիմելը, չինքնամեկուսացվելը կարող են հանգեցնել որոշակի պատասխանատվության:

Այս պահին էջմիածնից մոտ 100 քաղաքացու են մեկուսացրել` կորոնավիրուսի կասկածանքով։

 Ուշագրավ
Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով
Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները
Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար
Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները