Աֆեյանի ընկերության՝ կորոնավիրուսի դեմ պատվաստանյութն ԱՄՆ-ում 1-ին անգամ կփորձարկվի16 մարտի 2020 - 12:20 AMT PanARMENIAN.Net - Մարտի 16-ին առաջին կամավորը կմասնակցի կորոնավիրուսի դեմ պավաստանյութի առաջին փորձարկմանը, հայտնում է Fortune-ը՝ ԱՄՆ կառավարության աղբյուրին հղումով: Փորձարկմանը մասնակցելու է առողջ և երիտասարդ 45 կամավոր: Պատվաստանյութը ստեղծվել է ԱՄՆ ազգային առողջապահական ինստիտուտի և Moderna Inc ընկերության կողմից: Moderna ընկերության համահիմնադիրը և գլխավոր տնօրենը հայազգի գործարար Նուբար Աֆեյանն է: Ընկերությունը պատվաստանյութը ստեղծել է ռեկորդային կարճ ժամանակահատվածում, գենետիկ նոր մեթոդով: Ըստ աղբյուրի՝ լիակատար և ամբողջական կերպով պատվաստանյութի պոտենցիալը պարզելու համար անհրաժեշտ կլինի 12-18 ամիս: «Բացառված է փորձի մասնակիցների վարակման հավանականությունը: Դրա խնդիրն է համոզվել, որ պատվաստանյութը չունի կողմնակի լուրջ ազդեցություններ, ինչից հետո այն կարելի է օգտագործել ավելի լայն փորձարկման համար»,- նշել է աղբյուրը: Inovio Pharmaceuticals ընկերությունը ևս ապրիլին կամավորների միջոցով կսկսի իր պատվաստանյութի փորձարկումը: Ավելի վաղ ԱՄՆ նախագահ Դոնալդ Թրամփն ասել էր, որ պատվաստանյութի ստեղծման աշխատանքներն արագ են ընթանում: Մարտի 15-ի դրությամբ ՀՀ-ում կորոնավիրուսով վարակված 30 քաղաքացի կա, առաջին պացիենտն արդեն բուժվել է: ԱՄՆ-ում վարակակիրների թիվը մոտ 3782 է, մահացել է մոտ 70 մարդ: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |