Փաշինյանը՝ գազի գնի մասին․ ՌԴ-ից ակնկալում ենք, որ թանկացման մասին խոսելու լավագույն պահը չէ

Փաշինյանը՝ գազի գնի մասին․ ՌԴ-ից ակնկալում ենք, որ թանկացման մասին խոսելու լավագույն պահը չէ

PanARMENIAN.Net - Գազի գնի շուրջ քաղաքական խորհրդակցությունները շարունակվում են, բայց որևէ կոնկրետ բան այս պահին հայտնել հնարավոր չէ, հայտարարել է ՀՀ վարչապետ Նիկոլ Փաշինյանը։

«Պետք է արձանագրենք, որ էներգակիրների շուկաների փլուզման, նավթի գնանկման պայմաններում մենք կարող ենք ակնկալել ՀՀ ռազմավարական գործընկեր ՌԴ-ից, որ հիմա գազի գնի բարձրացման մասին խոսելու լավագույն ժամանակաշրջանը չէ՝ մանավանդ կորոնավիրուսի ճգնաժամը և նրա բերած սոցիալական խնդիրները հաշվի առնելով։ Ինչ վերաբերում է ռուսական կապիտալով ընկերությունների հետ կապված իրավիճակներին՝ ես այդ թեման բաց և ամենայն մանրամասնությամբ քննարկել եմ ՌԴ նախագահի հետ և մենք այդ թեմայով հստակ պայմանավորվածություններ ենք ձեռք բերել»,- ասել է Փաշինյանը։

Նա նշել է, որ ՌԴ-ի հետ հարաբերություններում կա շատ հարուստ օրակարգ և այդ օրակարգի հարցերը լուծելով իրենք առաջ են գնում։ Ըստ Փաշինյանի՝ մեկ հարցը կարող է լուծվել հնրավար լավագույն տարբերակով՝ մյուսը՝ կոմպրոմիսներով։

Ավելի վաղ «Գազպրոմ Արմենիան» դիմել էր ՀՀ Հանրային ծառայությունները կարգավորող հանձնաժողովին՝ գազի գնի փոփոխության հարցով։

 Ուշագրավ
Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը
«Ինժիներական ասոցիացիա» ՀԿ-ին տրամադրել 90 մլն դրամ՝ թոքերի արհեստական շնչառական սարքերի ստեղծման գաղափարների մասնագիտական ուսումնասիրության համար
Սիմոնյանի խոսքով՝ մի շարք ապրանքատեսակների ներմուծման մաքսատուրքերը կզրոյացվեն