Արամ Ա-ն շնորհավորել է Արցախի նորընտիր նախագահին

Արամ Ա-ն շնորհավորել է Արցախի նորընտիր նախագահին

PanARMENIAN.Net - Մեծի Տանն Կիլիկիո կաթողիկոս Արամ Առաջինը շնորհավորել է Արցախի նախագահ Արայիկ Հարությունյանին պաշտոնը ստանձնելու կապակցությամբ։ Այդ մասին Հարությունյանը հայտնել է ֆեյսբուքյան իր էջում։

«Մեծի Տանն Կիլիկիո կաթողիկոս Արամ Առաջինի հետ հեռախոսազրույց եմ ունեցել: Վեհափառին հայտնել եմ իմ երախտագիտությունն օրհնանքի ու շնորհավորանքի խոսքի համար և պատրաստակամությունը Սփյուռքի հետ հարաբերությունների էլ ավելի սերտացմանը միտված նոր ջանքեր գործադրելու ուղղությամբ»,- ասվում է գրառման մեջ։

Հարությունյանը մայիսի 21-ին ստանձնել է Արցախի նախագահի պաշտոնը։ Նա հանրապետության 5-րդ նախագահն է՝ Արթուր Մկրտչյանից, Ռոբերտ Քոչարյանից, Արկադի Ղուկասյանից ու Բակո Սահակյանից հետո։

Երդման հանդիսավոր արարողությունը տեղի է ունեցավել Շուշիում՝ ԱԺ հատուկ նիստում, Հարությունյանը հանդես է եկել ծավալուն ելույթով։

 Ուշագրավ
Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով
Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները
Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար
Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները