Covid-19-ը՝ տարածաշրջանում․ Վրաստանում վիճակն ամենաբարվոքն է

Covid-19-ը՝ տարածաշրջանում․ Վրաստանում վիճակն ամենաբարվոքն է

PanARMENIAN.Net - Մայիսի 22-ի դրությամբ Վրաստանում կորոնավիրուսով վարակի ընդամենը 2 նոր դեպք է գրանցվել՝ ընդհանուր առմամբ հասնելով 723-ի։ Այդ մասին ասվում է հիվանդության մշտադիտարկման հատուկ կայքում։ Դա լավագույն ցուցանիշն է տարածաշրջանում։ Եկիրը վստահ քայլերով հաղթահարում է համաճարակը։

Ապաքինվել է 495 մարդ, փաստացի բուժվում է 216-ը, 12 մարդ մահացել է։ Արտակարգ դրության ռեժիմն ու պարետային ժամը մայիսի 22-ից չեղարկվել են, սակայն որոշ սահմանափակումներ դեռ գործում են։

Իրանում վարակվածների թիվը գերազանցել է 130,000-ը։ Այդ մասին հայտնել է առողջապահության նախարարության պաշտոնական ներկայացուցիչ Կիանուշ Ջահանպուրը։ Վարակվածներից 102,000-ն արդեն բուժվել է, մահացել է 7300 մարդ։

ՌԴ-ում վերջին տվյալներով 8894 նոր դեպք է գրանցվել երկրի 84 շրջանում։ Ընդհանուր թիվը վարակվածների հասել է 326,448-ի։ Ապաքինվել է 7144 մարդ։ Մայիսի 22-ի դրությամբ մահվան ելքով դեպքերի ռեկորդային 150 դեպք է գրանցվել։

ՌԴ-ում ընդհանուր առմամբ ապաքինվել է 99,825 մարդ, մահացել է կորոնավիրուսից 3249-ը։ ՌԴ-ն 2-րդն է աշխարհում վարակվածների թվով՝ զիջելով միայն ԱՄՆ-ին:

Թուրքիայում կորոնավիրուսով վարակվածների թիվն ավելացել է 961-ով, 27 մարդ մահացել է։ Ընդհանուր առմամբ. երկրում կա 153,548 վարակակիր, ապաքինվել է 115,000 մարդ, մահացել` ավելի քան 4000-ը։ Այդ մասին հայտնել է առողջապահության նախարար Ֆահրեդդին Քոջան։

Ադրբեջանում 3749 վարակակիր կա, մահացել է 44 հիվանդ։ Փաստացի բուժվում է 1365-ը, ապաքինվել է 2340 մարդ։ Երկրում թեստավորվել է 252,496 մարդ։

Հայաստանում մայիսի 22-ի դրությամբ կորոնավիրուսով վարակի դեպքերը հասել են 5928-ի՝ նախորդ օրվա համեմատ ավելանալով 332-ով: Վիրուսից մահացածների ընդհանուր թիվը 74 է, այլ պատճառով՝ 28։ Ընդհանուր առմամբ, առողջացել է 2874 պացիենտ։

Կորոնավիրուսային հիվանդությամբ այս պահին փաստացի բուժում է ստանում 2952 պացիենտ: Ընդհանուր առմամբ, կատարվել 47,654 թեստավորում: ՀՀ-ում մարտի 16-ից գործող արտակարգ դրությունը երկարացվել է մինչև հունիսի 13-ը՝ կորոնավիրուսի տարածումը կանխելու նպատակով, սակայն 18-ից գործում է հասարակական տրանսպորտը, բացվել են սրճարանները և ռեստորանները, առևտրի կենտոններն ու մարզասրահները։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---