Արայիկ Հարությունյանն ու Սամվել Բաբայանը համագործակցության հուշագիր են ստորագրել 26 մայիսի 2020 - 10:45 AMT PanARMENIAN.Net - Արցախի Հանրապետության նախագահ Արայիկ Հարությունյանը մայիսի 25-ին իր գլխավորած «Ազատ հայրենիք-ՔՄԴ» կուսակցությունների դաշինքի անունից համագործակցության հուշագիր է ստորագրել «Միասնական հայրենիք» կուսակցության նախագահ Սամվել Բաբայանի հետ: Արցախի նախագահական ընտրություններից առաջ ԼՂՀ ինքնապաշտպանական ուժերի նախկին գլխավոր հրամանատար, «Միասնական հայրենիք» կուսակցության հիմնադիր-նախագահ Սամվել Բաբայանը հայտարարել էր, որ սատարում է թեկնածու Մասիս Մայիլյանին: Նախագահական ընտրությունների երկրորդ փուլ անցած Մասիս Մայիլյանի կուսակցությունը չանցավ խորհրդարան։ Մարտիի 31-ին կայացած ընտրություններում Սամվել Բաբայանի գլխավորած «Միասնական Հայրենիք» կուսակցությունը մտել է ԱԺ՝ ստանալով 9 մանդատ։ Կուսակցությունը 2-րդն է մանդատների թվով խորհրդարանում։ Նախագահ Հարությունյանը նշել է, որ քաղաքական ուժերի միջև համագործակցությունը միտված է երկրում համերաշխության մթնոլորտի պահպանմանը: Սամվել Բաբայանը ևս կարևորել է համատեղ փոխգործակցության գաղափարը։ ԱՀ նախագահ Արայիկ Հարությունյանը ֆեյսբուքյան ուղիղ եթերում հայտարարել է, որ մայիսի 26-ին կկատարի կադրային առաջին նշանակումները։ Նա խոսել է ինչպես կադրային նշանակումների, այնպես էլ սպասվող կառուցվածքային փոփոխությունների և այդ որոշումների հիմնավորումների մասին: Արցախի նորընտիր նախագահ Արայիկ Հարությունյանը ստանձնել է պաշտոնը մայիսի 21-ին։ Նա հանրապետության 5-րդ նախագահն է՝ Արթուր Մկրտչյանից, Ռոբերտ Քոչարյանից, Արկադի Ղուկասյանից ու Բակո Սահակյանից հետո։   Ուշագրավ Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները   Ամենաընթերցվողը բաժնում |  Վերջին լուրեր ՇՄՆ․ Արագիլների աղտոտման պատճառը կարող է ձկնաբուծարաններում կեր հայթայթելը լինել  Նախարարությունը մշտադիտարկում է Արարատի և Արմավիրի մարզերի այն բնակավայրերը, որտեղ աղտոտված արագիլներ կանԴիմակ չկրելու տուգանքը դեռ չի բարձրանա. Օրինագիծը չի ընդգրկվի ԱԺ արտահերթում Օրինագծով առաջարկվում էր հանրային բաց տարածքում դիմակ չդնելու համար տուգանքը սահմանել 20,000 դրամԻսպանիայում Covid-19-ից կոլեկտիվ իմունիտետ չի զարգացել․ Մահացել է 28,000 մարդ Իսպանիան աշխարհում կորոնավիրուսից գրանցված մահվան դեպքերի թվով առաջատար երկրներից է60 կմ/ժ՝ Երևանում երթևեկության առավելագույն արագություն Հուլիսի 18-ից Երևանի ամբողջ տարածքում երթևեկության թույլատրելի առավելագույն արագությունը փոխվում է |
