10 արհեստական շնչառության սարք ՀՀ-ին՝ վիրահայերից

10 արհեստական շնչառության սարք ՀՀ-ին՝ վիրահայերից

PanARMENIAN.Net - Վրաստանից 10 արհեստական շնչառության սարք է գնվել և ուղարկվելու է Հայաստան։ Ինչպես փոխանցում է Aliq.ge-ն, նախաձեռնությունը «Ալիք Մեդիայի» տնօրեն Պավել Օգանեզովինն է` օտարերկրյա ընկերոջ աջակցությամբ։

MS-500 տիպի շարժական արհեստական շնչառության սարքերը փոխանցվելու են Հայաստան համահայկական հիմնադրամին։ Աջակցության այլ ծրագրեր ևս կան:

Նշվում է, որ վրաց-հայակական սահմանի փակ լինելու պայմաններում` սարքերը Հայաստան հասցնելու գործում աջակցության պատրաստակամություն է հայտնել Վրաստանում Հայաստանի դեսպանությունը։

Օգանեզովի առաջարկով նաև դրամահավաք է սկսվել` «Մեկ դիմակ, մեկ կյանք» կարգախոսով։ Հավաքված գումարով գնվելու են դիմակներ, որոնք ևս ուղարկվելու են Հայաստան ու տրամադրվելու սոցիալապես անապահով խմբերին։

Հայաստանում հունիսի 6-ի դրությամբ կորոնավիրուսով վարակի դեպքերը հասել են 12,364-ի՝ նախորդ օրվա համեմատ ավելանալով 547-ով: Ընդհանուր առմամբ, կորոնավիրուսից մահվան 190 դեպք կա, այլ պատճառով՝ 69։Առողջացածների ընդհանուր թիվը 3720 է։

 Ուշագրավ
Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով
Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները
Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար
Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները