Արցախի ԱԳ նախարարին վերագրվել են ուրիշի մտքերը․ Ստեփանակերտից հերքում են ռուսական կայքի հրապարակումը

Արցախի ԱԳ նախարարին վերագրվել են ուրիշի մտքերը․ Ստեփանակերտից հերքում են ռուսական կայքի հրապարակումը

PanARMENIAN.Net - Արցախի Հանրապետության արտաքին գործերի նախարարության մամուլի ծառայությունը կտրականապես հերքում է Topwar.ru ռուսական կայքի հաղորդագրությունը, որտեղ իբրև թե ԱԳ նախարար Մասիս Մայիլյանն անդրադարձել է ադրբեջանա-ղարաբաղյան հակամարտության մեջ Թուրքիայի հնարավոր միջամտությանը։

Ըստ աղբյուրի, Մայիլյանն իբրև ասել է՝ «եթե նման օգնություն (Ռուսաստանի կողմից - Արցախի ԱԳՆ մամուլի ծառայություն) չտրամադրվի, ապա Հայաստանը ռուսներին կհեռացնի իր տարածքից, իսկ դա կնշանակի Կովկասում ռուսական ազդեցության ավարտ»:

Ռուսական աղբյուրը հղում է արել Defense24 լեհական գործակալությանը։

Արցախի ԱԳՆ-ից նշում են, որ լեհական գործակալության բնօրինակ հոդվածում նշված բառերը պատկանում են պաշտոնաթող զինծառայողի, այլ ոչ թե նախարար Մայիլյանին:

«Հույս ունենք, որ փաստի նմանատիպ կոպիտ աղավաղումը ոչ թե միտումնավոր ապատեղեկատվության, այլ թարգմանության տխրահռչակ բարդությունների հետևանքով առաջացած տեխնիկական սխալի հետևանք էր էր: Նմանատիպ եզրակացությունը պայմանավորված է այն հանգամանքով, որ Topwar.ru ռուսական առցանց ռեսուրսն ինքն է կասկածի տակ դնում նախարարի նմանատիպ կարծիքը՝ նշված խոսքերն ուղեկցելով հետևյալ բառերով՝ «իբրև թե հայտարարել է Արցախի ԱԳՆ ղեկավարը»,-նշել են Արցախի ԱԳՆ-ից՝ հույս հայտնելով, որ ռուսական լրատվական գործակալությունը անհապաղ կշտկի թույլ տված սխալը։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---