Պեսկով․ ՌԴ զինվորականները ստուգում են ՀՀ տարածքին Ադրբեջանի հարվածի մասին լուրը14 հոկտեմբերի 2020 - 16:05 AMT PanARMENIAN.Net - ՌԴ զինվորականները մասնակցում են Ադրբեջանի կողմից անմիջական ՀՀ տարածքին հարվածներ հասցնելու մասին տեղեկությունների ստուգմանը։ Այդ մասին հայտարարել է ՌԴ նախագահի խոսնակ Դմիտրի Պեսկովը։ «Մեր պաշտպանական գերատեսչությունը ստուգում է այդ տեղեկությունը՝ մշտական կապի մեջ է երկու կողմի գործընկերների հետ։ Դուք գիտեք, որ ՌԴ ՊՆ ղեկավար Սերգեյ Շոյգուն հեռախոսազրույցներ է ունեցել երկու կողմի պաշտոնակիցների հետ։ Այդ տեղեկությունն այժմ ստուգվում է և ենթարկվում վերլուծության»,- ասել է նա, գրում է ՌԻԱ Նովոստին։ Հարցին` եթե այդ տեղեկությունները հաստատվեն, արդյո՞ք դա կնշանակի, որ ուժի մեջ կմտնեն ՀԱՊԿ ինչ-ինչ մեխանիզմներ՝ Կրեմլի ներկայացուցիչն առաջարկել է սպասել արդյունքներին։ «Եկեք սպասենք ստուգման արդյունքներին»,- ասել է նա։ Ավելի վաղ ՀՀ ԱԳՆ-ն հայտարարություն է տարածել ադրբեջանական զինուժի կողմից ՀՀ տարածքի թիրախավորման վերաբերյալ։Խստորեն դատապարտելով Ադրբեջանի կողմից ՀՀ ինքնիշխան տարածքի նկատմամբ զինված ագրեսիայի փորձը՝ ԱԳՆ-ն զգուշացրել է, որ ադրբեջանական կողմի բոլոր գործողություններն արժանանալու են համարժեք պատասխանի՝ ՀՀ ԶՈւ տրամադրության տակ եղած միջոցներով: Ավելի վաղ հայտնի դարձավ, որ ադրբեջանական զինուժը թիրախավորել է Հայաստանի տարածքում, Քարվաճառի հետ սահմանակից գոտում մարտական հերթապահություն իրականացնող մարտական տեխնիկա՝ ընդամենը ենթադրությունների հիման վրա, թե, իբր, այդ տեխնիկան պատրաստ է եղել հարվածել Ադրբեջանի խաղաղ բնակավայրերին։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։ Photo. TASS Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով Ադրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանը ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |