ՄԱԿ պաշտոնյան զգուշացրել է ԼՂ-ում ռազմական հնարավոր հանցագորությունների մասին 2 նոյեմբերի 2020 - 23:24 AMT PanARMENIAN.Net - ՄԱԿ-ի մարդու իրավունքների հարցերով գերագույն հանձնակատար Միշել Բաչելետն ահազանգել է Լեռնային Ղարաբաղի հակամարտության գոտում և դրա շուրջ անկանոն հարձակումների մասին, որոնք հակասում են միջազգային հումանիտար օրենքին։ Նա զգուշացրել է` դրանք կարող են համարվել ռազմական հանցագործություն: Պաշտոնյան նշել է, էր պատերազմը սկսելուց ի վեր կողմերին բազմիցս կոչ է արվել ձեռնարկել բոլոր հնարավոր քայլերը` քաղբնակչության շրջանում զոհերից խուսափելու կամ առնվազն դրանք նվազագույնին հասցնելու համար, ինչպես նաև տարբերակել քաղաքացիական ենթակառուցվածքները ոչ ռազմականից, այդ թվում` դպրոցները, հիվանդանոցները։ Հակառակ կոչերի` տներ և փողոցներ են ավերվել, մարդիկ ստիպված են եղել փախչել կամ անվտանգություն փնտրել նկուղներում։ Հանձնակատարի խոսքով` միջազգային մարդասիրական իրավունքն ավելի պարզ չի կարող լինել։ Իսկ տարբերակման կամ համաչափության սկզբունքի խախտմամբ հարձակումները ենթադրում են ռազմական հանցագործություններ։ Ըստ այդմ` հակամարտության կողմերը պարտավոր են շուտափույթ և անհապաղ հետաքննել այդ խախտումները և քրեորեն հետապնդել կասկածյալներին։ «Նման հարձակումները պետք է դադարեցվեն, և պատասխանատվության ենթարկվեն նրանք, ովքեր կատարել կամ պատվիրել են դրանք»,- ասել է նա։ Բաչելետը նաև անդրադարձել է ենթադրաբար ռազմական հանցագործություններ պատկերող ԶԼՄ-ների հետաքննություններին, հրապարակվող լուսանկարներին և տեսանյութերին, նշել, որ դրանց ռազմական հանցագործություն լինելը կարող է սահմանել միայն կոմպետենտ դատարանը։ Նա, մասնավորապես, նկարագրել է ադրբեջանցիների կողմից իրականացված երկու հայ գերու արտադատարանային մահապատժի կադրերը, նշել, որ Ժնևյան կոնվենցիան պաշտպանում է այդ կարգավիճակում հայտնված մարդկանց։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։ Photo. AFP Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |