Մարդու իրավունքների սիրիական դիտարան․ ԼՂ-ում 240 վարձկան է սպանվել, առնվազն 3-ը` գերեվարվել 4 նոյեմբերի 2020 - 12:19 AMT PanARMENIAN.Net - Մարդու իրավունքների սիրիական դիտարանի տվյալներով` նոյեմբերի 3-ի դրությամբ Լեռնային Ղարաբաղի մարտերում Ադրբեջանի կողմից կռվող առնվազն 240 վարձկան է սպանվել, որոնցից 183-ի մարմինները տարվել են Սիրիա։ Միաժամանակ, ըստ դիտարանի` հայկական կողմը գերեվարել է առնվազն 3 սիրիացու։ Թուրքիան Ադրբեջան է տեղափոխել զինյալների 230 հոգանոց նոր խմբաքանակ, ամբողջ ժամանակահատվածում Ադրբեջանում է տեղակայվել նվազագույնը 2580 զինյալ, որոնցից 342-ը հրաժարվել են պայմանագրերից և վերադարձել Սիրիա։ Նախկին զեկույցներում դատարանը հայտնել էր նաև բազմաթիվ վիրավորների և անհետ կորածների մասին։ ԼՂ հակամարտության գոտի զինյալներ հավաքագրելու հարցում Թուրքիան շարունակում է դժվարություններ ունենալ։ Նրանց մի մասը հրաժարվում է մեկնել դավանաբանական գործոնի (սունի/շիա), ինչպես նաև մեկնածների շրջանում մեծաթիվ կորուստների պատճառով։ Բացի այդ, շատերն Ադրբեջանում են պարզում, որ այդ երկիրը շիադավան է, ինչը նույնպես դժգոհությունների և հետ վերադառնալու ցանկության առիթ է դառնում։ Դեռ սեպտեմբերի 27-ից առաջ Հայաստանը հայտարարել էր, որ իր տեղեկություններով՝ Թուրքիան Ադրբեջան սիրիացի վարձկաններ է տեղափոխել։ Թուրքիան և Ադրբեջանը հերքում են այդ լուրերը, մինչ զուգահեռ դրանք հաստատող բազմաթիվ ապացույցներ են հայտնվում։ Անգամ հայկական կողմը գերեվարել է այդ զինյալներից, որոնք տեսախցիկի առաջ արաբերենով պատմել են՝ ինչ են անում Ադրբեջանում։ Ըստ վկայությունների՝ Ադրբեջան Թուրքիայի տեղափոխած վարձկանները «Սուլթան Մուրադ», «Ալ-Համզա դիվիզիայի» և այլ խմբակցությունների անդամներն են։ Արդեն սպանվել է մի քանի հարյուր զինյալ։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մի խումբ քաղաքացիներ փակել են Երևան-Սևան ճանապարհը` հաջակցություն տավուշցիների «Որտեղ ակցիա լինի՝ մասնակցելու ենք, չսարքենք սա քաղաքական թեմա», - հայտարարել են ցուցարարները Պապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանը Ջահերով երթը կմեկնարկի Հանրապետության հրապարակից Կսահմանափակվի երթևեկությունը մայրաքաղաքի մի շարք փողոցներում Ֆրանսահայ լրագրողի մուտքը ՀՀ արգելվել է․ Նա «Զվարթնոց» օդանավակայանում հացադուլ է հայտարարել «Ես Հայաստանից գնացոը չեմ, հենց այստեղ, անձնագրային բաժնում, հայտարարում եմ հացադուլ»,–ասել է նա տեսաուղերձում |