 Պատերազմի ընթացքում Գանձասարի մատենադարանից ձեռագրերը Երևան են տեղափոխվել 17 նոյեմբերի 2020 - 16:03 AMT PanARMENIAN.Net - Լեռնային Ղարաբաղում հակամարտության սրումից ու հրթիռակոծումներից հետո պատմաբանները սկսել են աշխատել հին հայկական ձեռագրերի տեղափոխման վրա, քանի որ դրանք կարող էին հրթիռակոծման հետևանքով վնասվել կամ վանդալիզմի ենթարկվել, փոխանցում է France 24-ը։ Արցախի Գանձասարի մատենադարանից Երևան են տեղափոխվել բազմաթիվ ձեռագրեր, դրանցից որոշները թվագրվում են 13-րդ դարին։ Կենտրոնի տնօրեն Արամ Թորոսյանի խոսքով՝ Շուշիի հրթիռակոծույթուններից հետո իրենք որոշել են ձեռագրերը ժամանակավորապես Երևան տեղափոխել։ Ըստ նրա՝ ձեռագրերը հանվել են ոչ միայն կրակի հետևանքներից խուսափելու, այլև ադրբեջանական կողմից բերված ահաբեկիչների, թուրքական խմբերի՝ հուշարձաններ ոչնչացնելու «միտումի» պատճառով։ Մատենադարան-Գանձասար գիտամշակութային կենտրոնը բացվել է 2015-ի նոյեմբերի 21-ին՝ Գանձասարի եկեղեցու հարևանությամբ։ Այն Երևանի Մեսրոպ Մաշտոցի անվան Մատենադարանի մասնաճյուղն է։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում:
  Ուշագրավ Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը   |  Վերջին լուրեր «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ  Նախաձեռնությունն ավելի քան 40 ծրագիր է ֆինանսավորելԵրևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարությունԻրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդըԱլեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները |
