Լավրով․ Տարիներ առաջ շանս ունեինք ԼՂ հարցում հասնել համաձայնության

Լավրով․ Տարիներ առաջ շանս ունեինք ԼՂ հարցում հասնել համաձայնության

PanARMENIAN.Net - Ղարաբաղյան հարցով մի քանի տարի առաջ շանս կար համաձայնության հասնելու, դա կօգներ հարյուրավոր, հազարավոր կյանքեր փրկել, բայց չստացվեց, հայտարարել է Ռուսաստանի արտաքին գործերի նախարար Սերգեյ Լավրովը, փոխանցում է ՏԱՍՍ-ը։

«Մենք Ղարաբաղյան հակամարտության հարցին նշանակալի ուշադրություն ենք դարձրել երկար տարիներ: Մենք հետևողականորեն տարբեր մտքեր ենք առաջարկել, որոնք հնարավորություն կտային հասնել հարցի խաղաղ կարգավորման: Մենք մի քանի տարի առաջ շանս ունեինք հասնել համաձայնության, որը կօգներ կյանքեր փրկել: Ցավոք սրտի, այն ժամանակ դա չստացվեց»,- նշել է նա:

ՌԴ ԱԳՆ ղեկավարը նման հայտարարություն է արել իրանցի իր պաշտոնակից Մոհամմադ Զարիֆի հետ հանդիպումից հետո։ Լավրովը նշել է, որ նոր իրականության պայմաններում ոչ միայն ՌԴ-ն է հետաքրքրված տարածաշրջանի կայունությամբ, այլև Իրանը, Թուրքիան, Վրաստանը։ Լավրովը խոսել է նաև տրանսպորտային ապաշրջափակման կարևորությունից։

Իրանի ԱԳ նախարարը տարածաշրջանային այցեր է կատարում։ Ավելի վաղ նա Ադրբեջանում էր, ապա ՌԴ է մեկնել։ Հունվարի 26-ին Զարիֆը կժամանի ՀՀ։ Հունվարի 27-ին նա հանդիպելու է ՀՀ-ում իր պաշտոնակից Արա Այվազյանին ու վարչապետ Նիկոլ Փաշինյանին։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---