  Մակրոնն Էրդողանի հետ կքննարկի ԼՂ-ում իրավիճակը 11 հունիսի 2021 - 12:00 AMT PanARMENIAN.Net - Ֆրանսիայի նախագահ Էմանուել Մակրոնը մտադիր է Թուրքիայի նախագահ Ռեջեփ Թայիփ Էրդողանի հետ քննարկել իրավիճակը Լեռնային Ղարաբաղում։ Հանդիպումը կայանալու է ՆԱՏՕ-ի գագաթնաժողովից առաջ, որն անցնելու է Բրյուսելում` հունիսի 14-ին։ «Ես ուզում եմ խոսել Լեռնային Ղարաբաղում, Սիրիայում և Լիբիայում իրավիճակի, Հայաստանի և Ադրբեջանի միջև հարաբերությունների մասին»,-ասել է Մակրոնը։ Նա հավելել է, որ Էրդողանին է ներկայացնելու այն աշխատանքը, որը Ֆրանսիան վարում է ծայրահեղ իսլամիզմի և անջատողականության դեմ։ «Դա լավ հնարավորություն կլինի մի շարք հարցերի շուրջ կարծիքների փոխանակման համար։ Մենք խորը տարաձայնություններ ունենք, գիտենք այդ մասին, բայց, կարծում եմ, որ հարկավոր է երկխոսություն վարել»,-ասել է Ֆրանսիայի նախագահը, գրում է ՏԱՍՍ-ը։ «Անկախ մեր տարաձաւնություններից, մեզ բանավեճ է հարկավոր դեմ առ դեմ։ Խոսել պետք է միշտ, նույնիսկ, երբ կան տարաձայնություններ»,-ասել է Մակրոնը՝ հավելելով, որ միշտ պարզ է արտահայտվել մարդու իրավունքների, լրագրողների պաշտպանության և քաղաքական ընդդիմության հարցերում։ Վերջին շրջանում Մակրոնի և Էրդողանի հարաբերությունները լարված են։ 2020-ի աշնանն ու դեկտեմբերին Ֆրանսիան բազմիցս պահանջել է Թուրքիայից պարզաբանել իր դերը ղարաբաղյան հակամարտությունում, իսկ Մակրոնը հայտարարել, որ Փարիզը տեղեկություններ ունի, որ Անկարան գրոհայիններ է ուղարկում Սիրիայից Լեռնային Ղարաբաղ։ Նա նաև սպառնացել էր պատժամիջոցներ կիրառել Թուրքիայի դեմ, եթե վերջինս չհրաժարվի միակողմանի գործողություններից Հունաստանի և Կիպրոսի հանդեպ։ Դեկտեմբերին ԵՄ-ն որոշեց ընդլայնել Թուրքիայի դեմ պատժամիջոցների ցանկը Միջերկրական ծովում վերջինիս գործողությունների պատճառով։ Էրդողանն իր հերթին խիստ քննադատել էր Մակրոնին իսլամական անջատողականության դեմ պայքարելու նրա կոչերի պատճառով։ Photo. AFP via Getty Images   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է  Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացինԱբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |
