  Ավստրալիայում «ուսումնասիրում են» երկրի դիրքորոշումը Հայոց ցեղասպանության հարցում 11 հունիսի 2021 - 18:30 AMT PanARMENIAN.Net - Ավստրալիայի արտաքին գործերի նախարար Մերիս Փեյնը հաստատել է կառավարության դիրքորոշումը Հայոց ցեղասպանության հարցում՝ հայտարարելով, որ այն «ուսումնասիրվում է», տեղեկացնում է այդ երկրի Հայ դատի հանձնախումբը (ANC-AU)։ Ավստրալիան դեռևս պաշտոնապես չի ճանաչել Հայոց ցեղասպանությունը։ Մինչդեռ ԱՄՆ նախագահ Ջո Բայդենն ապրիլի 24-ի իր ուղերձում կիրառեց ցեղասպանություն եզրույթը, ինչը պատմական իրադարձություն դարձավ։ Հունիսի 3-ին ավստրալացի սենատոր Փեննի Վոնգը, որն ընդդիմության առաջնորդն է Սենատում, հարցրել է, թե ինչպես է «կառավարությունն արձագանքում նախագահ Բայդենի հայտարարությանը Հայոց ցեղասպանության մասին»։ Ի պատասխան Փեյնը հայտարարել է, որ Ավստրալիայի դիրքորոշումը բարձրաձայնվել է այդ երկրի վարչապետի ապրիլի 24-ի ուղերձում։ «Դա մի հարց է, որը մենք ուսումնասիրում ենք»,- ասել է նախարարը։ «Մենք ուսումնասիրում ենք այլ երկրների գործողություններն այդ հարցում և նաև նրանց ենք ներգրավում․․․ Վարչապետի հայտարարությունը մի քայլ առաջ էր նրա նախորդ հայտարարություններից»,- ասել է Փեյնը՝ աջակցություն հայտնելով Ավստրալիայում բնակվող հայերի, ասորիների և հույների ջանքերին, որոնք կոչ են անում դաշնային կառավարությանը ճանաչել Ցեղասպանությունը։ Ավստրալիայի Հայ դատի հանձնախումբը շնորհակալություն է հայտնել սենատոր Փեննի Վոնգին այդ հարցը բարձրացնելու և նախարար Փեյնին այն հաստատումի համար, որ կառավարության քաղաքականությունը վերանայվում է այդ հարցում արդարության և ճշմարտության հաստատման միջազգային միտումների լույսի ներքո։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
