 Բելառուսում գուցե Հայաստանի առևտրի պալատ բացվի 5 դեկտեմբերի 2022 - 15:14 AMT PanARMENIAN.Net - Էկոնոմիկայի նախարար Վահան Քերոբյանը և Բելառուսի հակամենաշնորհային կարգավորման և առևտրի նախարար Ալեքսեյ Բոգդանովը քննարկել են Բելառուսում Հայաստանի առևտրի պալատ բացելու հնարավորությունը, գրում է «Բելտան»։ «ՀՀ բոլոր սուպերմարկետներում կան բելառուսական տարբեր ընկերությունների ապրանքներ։ Մենք ավելի շատ բելառուսական ապրանք ենք ուզում տեսնել մեր շուկայում, բայց կարևորում ենք նաև մեր ընկերությունների զարգացումը։ Մեր կողմից կարող ենք առաջարկել սննդամթերքի և ալկոհոլի առաքումներ»,-ասել է Քերոբյանը։ Այդ առումով Քերոբյանը կարևորել է Բելառուսում Հայաստանի առևտրի պալատի բացումը՝ վերացնելու համար հայկական ալկոհոլի մատակարարման խոչընդոտները։ Նախարարը նշել է նաև, որ ՀՀ-ն հետաքրքրված է զարգացնելու գործակցությունը Բելառուսի հետ մեքենաշինության, շինարարության, ինչպես նաև ֆինանսական ոլորտներում։ «2022-ին ապրանքաշրջանառությունը մեր երկրների միջև աճել է գրեթե 2 անգամ, բայց մենք վստահ ենք, որ դա միայն սկիզբն է։ Մեր երկրները մեծ ներուժ ունեն, մենք գտնվում ենք նույն տնտեսական, մաքսային գոտում, ինչը թույլ կտա ՀՀ-ին և Բելառուսին զգալիորեն բարելավել երկու երկրների տնտեսությունները»,-ասել է Քերոբյանը։ 2022-ի հունվար-սեպտեմբերին ՀՀ և Բելառուսի միջև ապրանքաշրջանառությունը կազմել է $128.5 մլն՝ նախորդ տարվա համեմատ աճելով 206.2%-ով։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
