  Բաքվից կրկին սպառնում են․ «Ամեն բաց թողած օրը ՀՀ–ին մոտեցնում է ավելի մեծ կորուստների» 10 հոկտեմբերի 2023 - 13:54 AMT PanARMENIAN.Net - Ադրբեջանից կրկին սպառնալիքներ են հնչում ՀՀ հասցեցին։ Ադրբեջանի ԱԽ քարտուղար, գեներալ–գնդապետ Ռամիլ Ուսուբովը հայտարարել է, որ Ադրբեջանի հետ խաղաղության պայմանագրի կնքման առումով «ամեն բաց թողած օրն էլ ավելի մեծ կորուստների է մոտեցնում Հայաստանին»։ Նա մտահոգություն է հայտնել, որ Ադրբեջանի և ՀՀ միջև խաղաղության պայմանագրի ստորագրումը ձգձգվում է, գրում է Haqqin.az-ը։ Նա նաև ասել է, թե որքան կարևոր է ՀՀ համար «ավարտին հասցնել սահմանազատումը»։ «Սահմանազատումն ավարտին հասցնելը, խաղաղության պայմանագիր կնքելը հիմա առավելապես Հայաստանին է հարկավոր։ Ադրբեջանն ամբողջությամբ ապահովել է իր տարածքային ամբողջականությունը, մեր սահմանները մեր լիակատար վերահսկողության տակ են»,–ասել է նա։ Ուսուբովը նաև հայտարարել է, թե Ղարաբաղի հայ բնակիչների համար «Ադրբեջանի քաղաքացիություն ստանալու և վերաինտեգրման գործընթաց սկսելու պատմական հնարավորություն է տրված»։ ՌԴ ԱԳ փոխնախարար Միխայիլ Գալուզինը հայտարարել է, որ Մոսկվան դիտարկում է հոկտեմբերի 12-ին Բիշքեկում ԱՊՀ գագաթնաժողովի շրջանակում Ռուսաստանի, Հայաստանի և Ադրբեջանի արտգործնախարարների միջև բանակցությունների հնարավորությունը։ Նրա խոսքով՝ ադրբեջանական կողմն արդեն տվել է սկզբունքային համաձայնությունը։ ԱԳՆ մամուլի խոսնակ Անի Բադալյանը հայտնել է, որ հոկտեմբերի 12-ին Բիշքեկում նախատեսված ԱՊՀ ԱԳ նախարարների խորհրդի նիստին կմասնակցի ՀՀ ԱԳ նախարարի տեղակալը և որ ՀՀ ԱԳՆ–ն դեռևս հոկտեմբերի 4-ին էր գրավոր տեղեկացրել ԱՊՀ գործադիր կոմիտեին։ Ավելի վաղ Ադրբեջանի նախագահ Իլհամ Ալիևը հրաժարվել էր մասնակցել Գրանադայի հնգակողմ հանդիպմանը, քանի որ Փարիզն ու Բեռլինը Թուրքիայի մասնակցության հավանություն չէին տվել։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
