Ամառային զոչակոչը կմեկնարկի ապրիլի 29–ից

25 ապրիլի 2024 - 13:36 AMT

PanARMENIAN.Net - Ամառային զոչակոչը կմեկնարկի ապրիլի 29-ից և կտևի մինչև հուլիսի 31-ը ներառյալ։

Զորակոչ կհայտարարվի արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների համար, որոնց 18 տարին լրանում է կամ որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2024–ի հունիսի 30-ը ներառյալ, ինչպես նաև «Զինվորական ծառայության և զինծառայողի կարգավիճակի մասին» օրենքի 19-րդ հոդվածի 1.1-ին մասում նշված արական սեռի քաղաքացիների զորակոչը:

Կզորակոչվեն նաև մինչև 2024–ի մարտի 1-ը կամավոր հիմունքներով շարքային կազմի պարտադիր զինվորական ծառայություն անցնելու դիմում ներկայացրած իգական սեռի կամ օրենքի 19-րդ հոդվածի 1.2-րդ մասի համաձայն շարքային կազմի պարտադիր զինվորական ծառայության զորակոչվելու ցանկություն հայտնած արական սեռի քաղաքացիները:

Պարտադիր զինվորական ծառայություն անցած զինծառայողների զորացրումը կիրականացվի հունիսի 13-ից մինչև հուլիսի 31-ը ներառյալ։