  Մոսկվան սպասում է Բաքվի ու Երևանի կողմից հանդիպման վայրի ընտրությանը 21 նոյեմբերի 2025 - 10:30 AMT PanARMENIAN.Net - Ռուսաստանի ԱԳ նախարարության պաշտոնական ներկայացուցիչ Մարիա Զախարովան հայտնել է, որ Մոսկվան ակնկալում է, որ Բաքուն և Երևանը օպերատիվ կերպով կհստակեցնեն «3+3» ձևաչափով հաջորդ նախարարական հանդիպման վայրը։ «Հաջորդ նախարարական հանդիպումը պետք է կայանա Բաքվում կամ Երևանում։ Ակնկալում ենք, որ ադրբեջանցի և հայ գործընկերները կկարողանան օպերատիվ կերպով որոշել նախարարների նիստի կազմակերպման հերթականությունը», — ասել է նա ճեպազրույցում, հայտնում է ՌԻԱ Նովոստին։ Զախարովայի խոսքով՝ Ռուսաստանը պատրաստ է իր կողմից աջակցել գործընկերների համատեղ որոշմանը։ «3+3» ձևաչափով խորհրդակցությունների մեկնարկը՝ Ռուսաստանի, Թուրքիայի, Իրանի, Ադրբեջանի, Հայաստանի և Վրաստանի մասնակցությամբ, առաջարկվել է 2020 թվականի վերջին Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի կողմից՝ որպես հարթակ Հարավային Կովկասում և Միջին Արևելքում համագործակցության հարցերը քննարկելու համար։ Վրաստանը բազմիցս հրավիրվել է մասնակցել գործընթացին, սակայն դեռևս չի միացել։ Նախաձեռնության առաջին հանդիպումը՝ ԱԳ փոխնախարարների մակարդակով, կայացել է 2021–ի դեկտեմբերին Մոսկվայում։ Երկրորդ հանդիպումը՝ արդեն ԱԳ նախարարների մակարդակով, տեղի է ունեցել 2023–ի հոկտեմբերին Թեհրանում։ Վերջին հանդիպումը կայացել է 2024 թվականի հոկտեմբերի 18-ին Ստամբուլում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
