 ՌԴ ԱԳՆ-ն պարզաբանում է խնդրել լրագրող Սելեզնյովի մուտքը ՀՀ արգելելու վերաբերյալ 21 նոյեմբերի 2025 - 13:08 AMT PanARMENIAN.Net - Ռուսաստանի արտաքին գործերի նախարարությունը արձագանքել է ռուս լրագրող Դմիտրի Սելեզնյովի մուտքը ՀՀ արգելելուն։ Նախարարության պաշտոնական ներկայացուցիչ Մարիա Զախարովան հայտարարել է, որ Մոսկվան խնդրել է պարզաբանումներ Հայաստանից՝ ՌԴ դեսպանության միջոցով։ «Մեր դեսպանության միջոցով մենք հարցում ենք ուղարկել՝ այս որոշման պատճառները պարզելու նպատակով և հուսով ենք, որ դա կապ չունի Սելեզնյովի լրագրողական գործունեության հետ», – նշել է նա, հայտնում է ՌԻԱ Նովոստին։ Զախարովայի խոսքով՝ մտահոգիչ է նաև այն, որ չկա տեղեկատվություն՝ երբ է ավարտվում արգելքի գործողության ժամկետը։ Բացի այդ, հայտնի չէ՝ մեղադրվո՞ւմ է արդյոք լրագրողը որևէ հանցագործության մեջ Հայաստանի տարածքում, և ի՞նչ կերպ կարող է նա հույս ունենալ, որ արգելքը կչեղարկվի։ Զախարովան ընդգծել է, որ Դմիտրի Սելեզնյովը հայտնի է իր 2020 թվականի Լեռնային Ղարաբաղի հակամարտության մասին ռեպորտաժներով։ Նա հույս է հայտնել, որ սահմանափակումը պայմանավորված չէ վերջինիս լրագրողական աշխատանքով։ «...Հակառակ դեպքում դա չէր տեղավորվի Հայաստանի իշխանությունների կողմից առաջ մղվող այն պատկերացման մեջ, ըստ որի հանրապետությունը իրավական և ժողովրդավարական պետություն է, որտեղ մամուլի ազատությունը ժողովրդավարության անբաժանելի սկզբունք է», – ավելացրել է Զախարովան։ Նոյեմբերի 15–ին հայտնի դարձավ, որ օդանավակայանում մերժել ենWarGonzo-ի լրագրող Դմիտրի Սելեզնյովի մուտքը Հայաստան։ Նա մտադիր էր ընտանիքի հետ հանգստանալ Հայաստանում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
