  Վասիլև․ ՀՀ-ն պետք է որոշի՝ մնում է ՀԱՊԿ-ում թե գերադասում է այլ սցենար 25 հունիսի 2026 - 12:21 AMT PanARMENIAN.Net - Ռուսաստանը սպասում է Հայաստանի որոշմանը Հավաքական անվտանգության պայմանագրի կազմակերպությանը (ՀԱՊԿ) հետագա մասնակցության վերաբերյալ: Այդ մասին հայտարարել է կազմակերպությունում Ռուսաստանի մշտական ներկայացուցիչ Վիկտոր Վասիլևը։ «ՀՀ-ն պետք է որոշում կայացնի՝ մնում է կազմակերպության կազմում թե գերադասում է այլ սցենար»,-ասել է նա, հայտնում է ՌԻԱ Նովոստին: Վասիլևի խոսքով՝ հանրապետությունը պետք է տեղեկացնի այդ մասին Ռուսաստանին։ Ավելի վաղ Ռուսաստանի ԱԳՆ պաշտոնական ներկայացուցիչ Մարիա Զախարովան նույնպես հայտարարել էր, որ Հայաստանի կողմից ՀԱՊԿ-ում աշխատանքի վերսկսումը կհամապատասխաներ հենց երկրի շահերին։ Երևանը սառեցրել էր կազմակերպությունում իր մասնակցությունը։ Անցյալ ամռանը վարչապետ Նիկոլ Փաշինյանը հայտարարել էր, որ երկիրն ավելի հավանական է դուրս գա ՀԱՊԿ-ից, քան վերադառնա կազմակերպության շրջանակում համատեղ գործունեությանը։ Արտաքին գործերի նախարարի տեղակալ Միխայիլ Գալուզինը նշել էր, որ նման որոշման հարցում Հայաստանի իշխանություններին դրդել է Արևմուտքը։ Իր հերթին, Ռուսաստանի արտաքին գործերի նախարար Սերգեյ Լավրովը հայտարարել էր, որ Փաշինյանի այն խոսքերը, թե ՀԱՊԿ-ը իբր «լքել է Երևանին դժբախտության պահին», չեն համապատասխանում իրականությանը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
