  Մարալ Դինք. Մեզ համար շատ կարևոր էր Հրանտ Դինքի սպանության հիշատակի օրը հավաքված բոլոր մարդկանց ներկայությունը  21 հունվարի 2012 - 09:31 AMTPanARMENIAN.Net - Հրանտ Դինքի հիշատակին Ստամբուլում կազմակերպված միջոցառումները շատ կարևոր էին նրա ընտանիքի համար և Թուրքիայում արդարության հնարավոր հաղթանակի հույս ներշնչեցին: Այդ մասին PanARMENIAN.Net ի թղթակցի հետ զրույցում պատմել է հայ-թուրքական «Ակոս» թերթի գլխավոր խմբագիր Հրանտ Դինքի զարմուհի Մարալ Դինքը: Մարալը դժվարությամբ էր զսպում իր զգացմունքները, քանի որ, ինչպես ինքն է նշել, իր ընտանիքին աջակցություն ցուցաբերելու համար եկած մարդկանց հսկայական թվի ներկայությունը երկրում դրության հետագա բարելավման հույս է ներշնչել: «Դա կարևոր է ոչ միայն մեզ համար, այլև Թուրքիայի ու ժողովրդավարության համար»,- նկատել է նա` հույս հայտնելով, որ մարդիկ կկատարեն խոստումը և կհետևեն Դինքի սպանության գործի զարգացմանը: Շատ կարևոր էր նաև, որ մարդիկ համաձայն չէին դատարանի վճռի հետ, հավելել է Մարալ Դինքը. «Կարելի է ասել` գնալով ավելի շատ մարդ է արտահայտվում արդարության օգտին»: Զրույցի վերջում նա ընդգծել է, որ իրենց պայքարի նպատակը արդարության հասնելն է, որից հետո և' երկիրը, և' ժողովուրդը կկարողանան խաղաղության մեջ ապրել: «Թուրքիայում արդարության հաստատման համար պատասխանատու են ոչ միայն իշխանությունները, այլև ողջ ժողովուրդը»,- ասել է նա: Հունվարի 19-ին լրացավ հայ-թուրքական «Ակոս» թերթի գլխավոր խմբագիր Հրանտ Դինքի սպանության 5 տարին: 40 000 մարդ եկել էր հարգանքի տուրք մատուցելու լրագրողի հիշատակին: Հավաքվածներն անցկացրեցին լայնամասշտաբ ակցիաներ, ինչպես երթը Թաքսիմ հրապարակից մինչև «Ակոսի» խմբագրություն և երթը Ստամբուլի գլխավոր փողոցով: Թաքսիմ հրապարակից մինչև «Ակոսի» խմբագրություն երթից հետո հավաքվածները լռության րոպեով հարգեցին Դինքի հիշատակը, որից հետո խմբագրության պատշգամբից ելույթ ունեցան «Դինքի ընկերների» ներկայացուցիչները, ինչպես նաև ընտանիքի անդամները: Հունվարի 17-ին թուրքական դատարանը 10 տարվա ազատազրկման է դատապարտել «Ակոս» թերթի գլխավոր խմբագիր Հրանտ Դինքի սպանության գործով մեղադրվող Էրհան Թունջելին և ցմահ բանտարկության` Յասին Հայալին: Դատավարությունը տևեց 5 տարի: Հրանտ Դինքը սպանվել է 200թ. հունվարի 19-ին իր թերթի խմբագրության առջև: Կասկածյալ Օգյուն Սամասթը ձերբակալվեց 32 ժամ անց: 2011թ. ամռանը Ստամբուլի դատարանը նրան դատապարտեց 21 տարվա ազատազրկման: Լսումների ժամանակ Սամասթը հայտարարեց, թե ինքը դարձել է թուրքական իշխանությունների հակահայկական քարոզչության զոհը: Դինքի ընտանիքի փաստաբանները գտնում են, որ Սամասթը գործիք է եղել հանցագործության պատվիրատուների ձեռքում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
