ՀԲ-ն Հայաստանի ոռոգման համակարգի բարելավմանը միտված մի նոր ծրագիր կմշակի 27 հունվարի 2012 - 15:50 AMT PanARMENIAN.Net - ՀՀ գյուղատնտեսության նախարար Սերգո Կարապետյանն ընդունել է Համաշխարհային բանկի պարենի ապահովման ծրագրերի ներկայացուցիչ Ջուզեպպե Ֆանտոզիին, հայտնում է նախարարության մամլո ծառայությունը: Հանդիպման ընթացքում քննարկվել են հատկապես ոռոգման համակարգին առնչվող հարցեր: Ջուզեպպե Ֆանտոզին գյուղատնտեսության նախարարին տեղեկացրել է, որ նպատակ ունի առաջիկայում կազմել և իրականացնել Հայաստանի ոռոգման համակարգի բարելավմանը միտված մի նոր ծրագիր և այդ հարցի շուրջ նախնական քննարկումներ է ներկայումս իրականացնում ՄԱԿ–ի պարենի և գյուղատնտեսության կազմակերպության, Պարենի համաշխարհային կազմակերպության և միջազգային այլ կազմակերպությունների հետ: Կարևորելով ներկայացվող առաջարկը, նախարարը նշել է, որ չնայած միջազգային կառույցների աջակցությամբ` այդ թվում «Հազարամյակի մարտահրավերներ–Հայաստան՚» րագրով, բավականին աշխատանք է կատարվել ոռոգման համակարգի բարելավման ուղղությամբ, սակայն անելիքները դեռևս շատ են: Նա հատկապես կարևորել է Արարատյան հարթավայրում ցամաքուրդային մաքրման համակարգերի կառուցումը, քանի որ վերջիններիս բացակայոթյունը հանգեցնում է աղակալման և խոչընդոտում հողերի լիարժեք օգտագործմանը: Նախարարը անդրադարձել է նաև ոռոգման ներցանցային համակարգի բարելավման անհրաժեշտությանը: «Խնդիր ունենք նաև պոմպակայանների արդյունավետ օգտագործման, ինչպես նաև ջրօգտագործողների կողմից փաստացի օգտագործած ջրերի ծավալների ճշգրտման մասով»,- հավելել է նա: Իր հերթին Ջուզեպպե Ֆանտոզին նշել է, որ ներկայացվող դիտարկումների հիման վրա ստեղծվելիք փաստաթուղթը կներկայացվի քննարկման: Կողմերը պայմանավորվել են մարտին նախատեսվող հաջորդ հանդիպման ժամանակ քննարկել նաև սննդի անվտանգությանն առնչվող հարցեր:
  Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
